Hin vojiba te rikhavel kondomi sar arakhiba kajo bijvesko nasvaliba aro disave formi pa seksi sar phańiba aro minh, analiphańiba ta kana hin mujalo seksi pe jek penis. Apo bijikano phańiba aro minh arakhela nína priśiba pa pháriba.
Kondomi vojbuvela nína rikhavel kana onaneras, kana rikhavelas te douva hin tšihko ta avelas nína džanel sar hoselas kana lelas spermi aro kondomi.
Kondomi hin aro disave báriba, formi, rangla ta džumiba. Dóla butide kondomi vojbuvelas te tšińel aro normalno buota, nebi ná lachel bares pa baribata ta formi apo interneti ta aro latšo guosikanoseksibuota.
Disave kondomi vojbuvel rumuvel disaves pe disave penis ta dóleske vojbuvel áchel tšihko te frestavel te lachelas douva kondomi so kamelas.
But dieli pa kondomi hin arakhado pe glatijako makhiba te áchelas tšutše te rikhavel ta so ná moѓelas.
Kana áchelas alergia kajo lateski (gummi) hin vojiba te rikhavel kondomi so hin tšerdal pa plast.
Sar rikhavelas kondomi?
Kondomi tšúvelas apo jek kar so hin džoralo vaj apo jek seksi phersibakobéri. Te kondomi delas arakhiba kajo bijamesko nasvaliba ta pháriba hin importantno te rikhavel kondomi télal hilo akti.
Kana avela anjariba aro kondomi mote áchel frédiko kana sterdelas kar avri te ná tšek sperma ávelas aro minh vaj aro anali.
Saj hin hioviba te frétavel kuti te tšúvel prál jek kondomi apo horta manera. Kana hin jek penis vojbuvelas fretavel dženom te tšuvel prál kana rikhavelas onani. Kana ná áchelas penis hin vojiba te rikhavel dildo vaj jek morkoj ta frestavels pes.
Jakhes tšérelas te tšuvel kondomi prál jek penis vaj dildo:
- Phira kondomimohto.
- Risa apre kondomi jek kotor jakhes te lelas dikhel kajo rig douva mote risavel.
- Kana kondomi tšuvelas prál jek penis mote douva áchel drouvo kana kondomi risavelas prál.
- Kana hin anglunimortši mote douva sterdes pálal.
- Tšuv kondomi apre aro kar, bismavel pe naijaha po ikerari it tíja kana kondomi risavelas téle te ná avelas tšek hava mahkar penis ta vaj dildo ta kondomi.
- Kana kondomi hin risadal dosta téle, sterda kuti apre kondomi ta sterda dóles télal te ná áchel tši te risaves. Kana kondomi hin pral jek penis mote douva sterdes nikhin pańa kana penis hin drouvo. Rikh phalo pa kondomi téle apo penis, kana penis sterdavelas nikhi avri, jakhes te ná kondomi avelas avri.
- Lenga nikhi kondomi aro prachi. Ma thouv douva télel aro tuoaleti.
Katar vojbuvelas te lel kondomi?
Kondomi dielavelas butvaris vaj biknavelas aro ternengo organisatsia. Dóla vojbuvelas nína tšińel pe vaureha aro apoteka,habenesko buota, tšosko ta aro internetisko khuvdothav. Kondomi biknavelas pańa aro automati aro disave bioskopi, restaurangi ta aro klubi. Jek baride bijiba pa kondomi lachelas aro but rekhibonkere seksibuota ta aro internetisko khuvdothav.
Sar bur presila kondomi?
Kondomi biknavels butide aro jek mohto kaj hin butide. Sar but dóla presila vojbuvela parjuvel dota savoslaga kondomi velkavelas ta katar dóla tšińelas. Aro ternego organisasia dielavelas kondomi pe jiva vaj tšińel pe lokhide prísa.
Sar sigurno hin kondomi?
Kondomi hin sigurno arakhiba kajo bijakonasvaliba ta pháriba kana douva rikhavels po horto manereha, télal hilo tíja kana hin bijikano phańiba ta sakho var kana rikhavelas bijikano phańiba.
Kondomi mote arakhel aro duituskotempraturi ta aro ajasavo stedos kaj douva ná morelas kajo džiko. Latšo stedi hin dóleske hin sar eksemplura nutasko posta vaj aro jek malahka.
Bengale stedi hin eksemplurakanes aro pálunoposta vaj jek khamkano válija. Jek kondomi so hin phurano vaj hukho ta džala lokhide pah.
Latšiba
- Tšihko arakhiba priśi bijikano nasvaliba.
- Sigurno arakhiba priši pháribas.
- Ná ánela trupos.
Bilatšiba
- Vojbuvel phagarvelkano momenti dóleske douva vojbuvels ińasto tšuvel apre kana kar hin drouvo.
- Hin hioviba te dikhel te lachelas dólen kana kamenlas rikhavel bijikano phańiba.
- Saj hin hioviba te.