Sigutno-p-pilleri hin nína jek manera te tšérel priśibosko buti te ná ávelas pháreske ka hin áchdal biarakhdo bijiba, sar eksemplura ke hin bristadal rikhavel arakhiba vaj pe vaure manera avlo tšundo pe sílaha seksikano pherdiba.

Hin hioviba nína te lel jek sigutno-p-pilleri kana hin dar te douva arakhiba so rikhadal ná džélo latšes, sar eksemplura ka kondomi džélo pah vaj tšandavelas avri pesko p-pilleri

Tableti so lelas rálila hormoni gestage (dželto truposkohormoni). Douva tšérela te ná lelas džiko járesko phiѓiba vaj te ná járeskophiѓba anglavelas angle.

Gestagi hin nína aro normalne p-pilleri, nebi dimnos aro jek sigutno-p-pilleri hin koni butide. Douva vojbuvela tšérel te bisvériba vojbuvel ável but pinsardo vahka douva hin bipinsardo.

Sigutno-p-pilleri mote ińasto rikhavel sar jek hastiko hahtiba ta náka sar jek langhtokáno arkahiba pa pháriba.

Sigutno-p-pilleri phagarela pháriba ta náka dóleske it sar jek aborto vaj aja akhardo abortpilleri.

Sar lelas sigutno-p-pilleri?

Onivar arakhelas sigutno-p-pilleri pe náveha díves-pálal-pilleri. Douva ná hortiba ke ná hioviba te lel tableti díves pálal bijiba. Jek sigutno-p-pilleri vojbuvelas te lel aѓe aro 72 stuńa, pe vaure trin diverat pálal bijiba te douva lelas funksija.

Ka sikide lelas tableti dóles tiknide hin darbuti te avel pháreske. Džiko vaj disave díves pálal ke hin líjal jek sigutno-p-pilleri vojbuvelas te lel ratšiba, nebi sáre ná lela. 

Hin nína jek spesijalno sigutno-p-pilleri so rikhavelas ka panghs divirat pálal biarakhdo bijiba. Douva lelas ferda rańes avri pa bijandžika vaj pa doktori. 

Kana hiovylas ajasavo recepti vojbuvelas lel kontakto pe jek ternengo priśi líben, seksi-ta itdživiba-, sastiboskocentrali, bijandžikajendo priśi líben vaj aro džújengoklinika. Butvares presavelas dota. Aro disave priśi líben vojbuvelas douva lel pe jíva.

Kata lelas sigutno-p-pilleri?

Hin vojiba te lel sigutno-p-pilleri aro butide ternego priśi líben,seksi-ta itdživibosko priśi líben ta aro sastiboskocentrali.

Hin vojiba nína te lel akut-p-piler aro disave bijandžikajengo priśi líben ta aro džújengoklinika.

Douva vojbuvelas nína tšińel aro apoteka birecepti.

Sar eksemplura kana džalas aro jek ternengo priśi líben te lel sigutno-p-pilleri vojbuvelas pańa te lel jek nevo tíja te tšérel pháriboskofrestiba ta,kana kamelas, jek klamydiafrestiba.

Hin vojiba nína te lel gódiba sar arakhelas pes pa pháriba ta bijibako nasvaliba aro aviba kana kamelas.

Sar but presila sigutno-p-pilleri?

Ka tšińelas sigutno-p-pilleri birecepti katar apoteka lelas te presavel dota. Aro ternengo priśi líben lelas tableti pe jíva.

Sar sigurno hin sigutno-p-pilleri?

Darbuti te avel pháreske pálal dóles ke hin líjal tableti hin tikno. Darbuti te sigutno-p-pilleri ná lel pe funksija, douva kamel te phenel. Te avel pháriske, aprila sar harhal tíja pa bijiba džala ka lelas pilleri.

Kana tšandavelas pálal trin stuńa dota kana líjal tableti vaj kana hin diare ná džanelas te trupos resel te lel apre hormoni. Dóleske hin infortanto te lel jek nevo tableti aja hastes so hin vojiba, vaures hin darbuti te avel pháriske.

Só rálila douva sigutno-p-pilleri so lelas vojbuvelas drabavel pa bipacksedel. Bipacksedel hin douva papros so hin aro paketos kana lelas vaj tšińelas pesko sigutno-p-pilleri. Sárenes vojbuvelas te puchel pa bijandžika sar eksemplura ternengo priśi líben vaj mortsi-ta bijibosko priśi líben ka hosavelas pes bisigurno.  

Te áchel sigurno te ná áchel phári hiovylas te lel pháriboskofrestiba kutides trin kurke pálal dota ka hin lijal tableti. 

Sar but var vojbuvelas lel sigutno-p-pilleri?

Ná áchela tšek ulavthan sar butvares aro menscirklo vojbuvelas te lel jek sigutno-p-pilleri. Kana hin rikhadal biarakhdo bijiba ta náka kamelas te avel pháriske hin dóleske fendide te lel jek sigutno-p-pilleri butvares télal menscirklo ke mukhelas te áchel, vahka hin butvaride darbuti te lel mahkurne ratšiba pherdavelas.

Ka hiovylas te lel butvare sigutno-p-pilleri hin hioviba te tenkavel sar arakhelas pes aro bijiba ta kana hin hioviba te paruvel dóles. Te lel hahtiba dóleha vojbuvelas lel kontakti pe jek ternego priśi líben,sastiboskocentrali vaj pe mortsi-ta bijibosko priśi líben.

Latšiba

  • Ka ná rikhadal arkahiba vaj douva arkahiba ná lela funksija hin douva jek manera te tiknavel darbuti te avel pháriske.

Bilatšiba

  • Sigutno-p-pilleri ná arakhela pa bijibako nasvaliba.

  • Hormoni vojbuvela vieravel ajasaves te eksemplura lelas Héroskodukh, sterdiba aro berek va ke ná hosela pes latšes,nebi douva lela dosta pálal jek divčat.