Ko so o love ka kulandinenpe?

E državakiri dotacia ka kulandinelpe barabar e minoritetencar hem e troškonge keda alo e minoritetengoro kanuni, na bašo odova so angleder sine dužnost te kerelpe, ko misal te anelpe tumači hem te delinelpe redovno dotacia e khedipaske (klubia). Šajutne (mogučno) kulandipaskere thana tane:

• Dialogo hem dogovor e minoritetencar
• Preučibe
• Informaciakoro uložibe hem nakhavibe (prevodiba)
• Organizaciakiri temelnikani kontrola hem promene
• Kultura – hem čhibjakoro uložibe
• Te dikhenpe o minoritetia hem olengiri čhib, ko misal keriba izložba
• Inicialnikano mobiliziribaskoro učestvuiba, ko misal kjinibe literatura, pedagogikano materiali
• Kotor bašo e personaleskere trošakia
• Bučakoro plani

Odobor lena o komune

I osnovno baza jekh komunake tani 660 000 krune ko berš. I komuna pohari taro 50 000 manuša (stanovnikia) lena 1 osnovno baza
dži ko 80 000  manuša  lena 1,5 osnovno baza
dži ko 100 000 manuša  lena 2 osnovno baze
dži ko 400 000 manuša  lena 3 osnovno baze
400 000 manuša ja buteder lena 4 osnovno baze

O komune so pripadinena ko buteder taro jekh upravakoro than lena 500 000 krune dodatko.

Sresko skupština/regie lena 250 000 krune.