O švedikane fincia, o javudie, o roma, o samia hem o tornedalcia tane e švedskakere nacionalno minoritetija. Odova značinela kaj olende isi jek baro vremensko zaedništvo ki čhib hem ki kultura ko nacionalno zaedništvo. Odova zavisinela kotar sakova manuš dali ov/oj mangela te ovel jek kotor kotar o nacionalno minoritetija ja pale na. Znači zavisinela kole grupaja manuš identifirinela pes hem osetinela zaedništvo.
Ko 1999 berš priznanjdže pe kotar o parlamenti akala grupe sar nacionalna minoritetija. Ko 2010 berš alo jek zakoni kolea zorakerela pe e nacionalno minoritetengoro pravo hem e nacionalno minoritetengere čhibjengoro zoralipa.
1177 Vårdguiden hem Umo.se publicirinena disave tekstija bašo sastipa, arakhiba hem o pravija ko arakhiba ko dešuduj priznajme varietetija/dialektija kotar akala pandž nacionalno minoritetsko čhibja.
Amen ikerdžam amen ko Språkrådeteskerepreporučiba / Čhibjakoro godidejbaskoro preporučiba keda kerdžam akala prevodija, a o tekstija tane kontrolirime ko dogovor e reprezentantencar kotar o minoritetija.
