Sar baro manuš, mangela te phenel pe te isi tut pherde 18 berša, šaj dela pe tuke nasvalipaskoro arakhiba hem dandengoro arakhiba, bašo odola pharipa so našti te adžikerel pes. Odova važinela hem bašo dajengoro sastipaskoro arakhiba, sastipaskoro arakhiba ko abortiriba hem ko khamnipa čhinavibaskoro godidejbe.
Bašo džajbe ko doktori ki jek ambolanta hem bašo jek doktorikano dikhljariba kova so dela pe palo jek uput, tu ka pokine (platine) 50 krune. Baši jek poseta uputea ko jek javer sastipaskoro arakhiba ama na ko doktorikano dikhljariba tegani platinea 25 krune. Odova šaj ko primer te ovel ko jek koratori.
Tu šaj te birine te ovel tut jek poseta ki jek ambolanta ja pale ko jek phravdo specijalno sastipaskoro arakhiba ko bilo savo landsting ki sa i Švedija. Te sian azilanti tegani mora te ovel tut uput (bičhalin), te rodela pe odova kotar o sastipaskoro arakhiba (ambolanta).
Bašo sastljariba ko dandengoro doktori ko Folktandvården, platinela pe 50 krune.
Bašo iljačija receptaja platinea isto 50 krune, te trebindža tuke nasvalengoro transporti tegani platinea maksimalno 40 krune. Tej o drumo ko javer landsting tegani tu platinea kobor so koštinela.
Bašo čhinaviba o nasvalipa ko Čhavengoro hem dajengoro sastipaskoro arakhiba, ko khamnipa hem ko bijaniba tano bilovengoro. Te isi tut jek zarazno nasvalipa hem te trebela tuke dumodejbe kotar o zarazno nasvalipaskoro arakhiba – odova da tano bilovengoro.
Tu sar azilanti so rodea nasvalipaskoro arakhiba, tu trebela te sikave jek karta so dela pe kotar o Migrationsverket, olenge vakerela pe LMA – karta. O lafi LMA značinela lagen om mottagande av asylsökande – O zakoni bašo linde azilantija, akaja karta tani sar privremeno lično karta so važinela odole vremeske džikote rodea azili.
