So značinela bi, hetero och homo?
Isi trin seksualikane orientacie: bisexualiteti, heterosexualiteti och homosexualiteti. Obično vakerela pe kaj manuš i homo, hetero ja pale bi.
- O bisexualiteti tano keda manuš tano zaljubimo hem keda mangela te pašljol hem muršencar hem džuvlencar.
- O heteroseksualiteti tano keda manuš mangela te pašljol samo džuvljaja ja samo muršeja. Jek javer lafi bašo odova tano strajt.
- O homosexualiteti tano keda manuš ovela zaljubimo hem mangela te pašljol manušeja taro isto poli. Jek javer lafi bašo odova i gaj.O džuvlja so mangena te pašljon javere džuvlencar lenge vakerela pe lezbejke ja pale flate. O murša so mangena javere muršen olenge vakerela pe buljaši.
Obično manuš mislinela upro plo seksualikano orientiribe
Odova tano obično o manuša te mislinen upro plo seksualikano orientiribe. O seksualikano orientiribe ko manuš šaj meninela pe ko dživdipe.
Manuš korkori odlučinela dali ka vikinel pes bi, homo ja pale hetero. Manuš te manglja šaj isto te vakerel kaj nane ole/ola disavo specijalno seksualikano orientiribe.
Očekujbe kotar o javera manuša
O javera manuša but puti očekujnena kaj manuš i heteroseksualci/heteroseksualka. Keda manuš na osetinela pes kaj tano odova tegani manuš osetinela kaj tano javerčhane hem osetinela pes avri javerendar hem bidikhlo.
Te vakerel pe bašo plo seksualikano orientiribe
Bizo razlika savo seksualikano orientiribe manuše isi, manuš korkori odlučinela dali manuš ka vakerel hem keda ka vakerel odova javerenge.
Tej manuš heteroseksualco/heteroseksualka tegani obično na vakerela pe odova odoleske so sarine očekujnena odova.
Tej manuš homoseksualco/homoseksualka ja pale biseksualco/biseksualka tegani šaj manuš osetinela disavo puti potreba kaj mangela te vakerel odova..
O seksualikano orientiribe na dikhela pe ko javerengoro način te ovel pes ja pale ko izgled
Disavo puti džiko verujnela kaj sar manuš ka ovel zavisinela kotar o seksualikano orientiribe. Kaj manuš mangela disave specijalna buča, te izgledinel ko disavo specijalno način hem te ovel manuše specijalna interesija.
Ama o osobine, o izgled, o interesi ja pale sar manuš birinela te ovel oleskoro/olakoro dživdipe, sa odova nane veza/vrska savo seksualikano orientiribe isi manuše.
Nazakonski tano te diskriminirine bašo seksualikano orientiribe
Bizo razlika savo seksualikano orientiribe manuše isi, manuše isi pravo te dživdinel plo dživdipa sar mangela.
Te diskriminirinel pe džiko bašo oleskoro/olakoro seksualikano orientiribe tegani odova tano nazakonski.
Keda manuš ovela napadimo bašo plo seksualikano orientiribe tegani odova ovela specijalno phagibe (prekršaj) hem bašo odova vakerela pe omrazakoro phagibe.