Dolle aschar butt najek p –tabus, khonnra kammar buttare östrogen, vaver buttare gestagen. Dolle kerrar te prekerela truppon pre najek sutt. Dojgla nasht diro fussa ka najek p-taubus gla te lattja dova sav honkar fedigast gla diro.

Dova p-drabb savo rada andrekammar hormonet gestagen  an tikno butiphe pennas tikno-p-drabb. Dolle aschar aur jick p-taubus ninna baro gestägen, sav kammar savriga rakkepha sav vaver p-drabb.

Savi bojzan diro kammar soskip pre savi p-drabb diro brukfarar. Te kamma jeck bojzan doj dolle aur aschar drabb avri hormoner nasht ascha fedigt baschi diro dynkrar dolle honkar kerria te hagstri karna diro saste aggra pre vaver bojzan.

Teli dova phagel sav diro kaar hormonmukkanoa drabb ire tji ler khonnra drabb fussar diro kintan. Dolle penna gla p-taubus-kintan ire abrirattipha. Aur baschi diro tji ler khonnra p-drabb honkar diro rakkepha koro phari teli dova phagel.

Sar brukfarar diro p-drabb?

Baschi diro brukfarar p-drabb kammar diro jeck bojzan ninna 21 ire 28 drabb. Diro saste le jeck drabb nerrider savrige tjiro svacko divus.

Kammar diro jeck bojzan ninna 21 drabb sav kerrar diro jeck phater pre jeck phagel akkter te diro kaat sassaro drabb pre bojzan.

Kammar diro jeck bojzan ninna 28 drabb sav kaar diro taubus avri hormoner teli dova sensloaste divusarna pre bojzan. Sar butt drabb avri hormoner diro kammar honkar najek pre savi p-drabb diro kammar let. Dova drabb savo andrekammar hormoner pennas gla gullodrabb.

Baschi diro kammar bistrat ite tjiddrat uppri diro p-drabb

Dolle baroaste te le siro drabb nerrider savrige tjiro svacko divus. Baschi diro kammar bistrat buttare jeck 12 sahati, te dolle kammar jaat buttare jeck 36 sahati masker dy drabb,, aschar dolle saipe te diro tji langroare kammar rakkepha.

Sar langro tjiro dolle baroast nasht jaa masker dy taubus honkar najek dynkrat pre savi p-drabb diro brukfarar ta pre bojzan diro honkar. Savi savo janar gla dova p-taubus diro ler nashr diro bleddra pre illret savo honkar ninna p-taubus. 

Diro nasht aur le trissepha ninna jeck lajarin doj diro fussade p-drabben avrirandrade.

Baschi dolle janar jeck saipe te diro tji langroare honkar rakkepha koro phari saste diro kerra sav kaj:

  • Le dolle ire dova p-drabb diro kammar bistrat sav siggrepha diro nasht.
  • Brukfara karorakkepha ire pessar baschi diro kammar minsheksebulepha teli dova avande efta divusarna. Senslo honkar diro rakkepha.
  • Le jick siggrepha-p-drabb baschi diro kammar kammat bulepha dova sensloaste fimpus divusarna anglanske diro bistrade te le diro drabb aschtersavo spermierna nasht prealjibba butt dives.

Baschi diro kammar tjiddrat anglanske star sahati akkter te diro let diro p-drabb ire baschi diro kammar diarre honkar dolle potto te truppon nasht le uppri hormonerna. Dannro saste diro le jeck nevo drabb sav honkar diro rakkepha.

Dova nevoaste drabben saste diro fussa jeck nevo bojzan sav te dolle aschar pre dova bojcan diro brukfarar. Dova bojzan nasht diro kamma gla sensloare baschi diro mustula kamma dovan.

Baschi diro kammar aschar belsindukkalo ire attjer kommoni vaver soskip kanslar diro tji potto pre diro kammar fussar drabbem saste diro kerra rakrepha ninna karorakkepha ire pessar aur teli avande dova efta divusarna.

Diro nasht sarstill drigga jeck trakksa pre jeck ternophasteddo ire trakksasteddo.

Te cidela kintan ninna p-drabb

Dolle nasht ascha fedigt te cidela glanske kintan, baschi diro saste tradra abri. Dolle nasht diro kerra ninna p-drabb. Dannro aggrar diro pre jeck nevo pojzan akkter te dolle glanske honkar phater. Baschi diro ler gullodrabb ler diro tji dova, ler jeck nevo bojzan. Dolle aschar te diro tji saste kerra kommoni phater ninna hormondrabbet glanske diro voltrar kamma kintan, baschi diro saste tradra khere fann tradrandet.

Dolle honkar tji darrano te cidela pre kintan, pre dolle kaj suttet nasht diro kerra dolle teli butt montras.

Abbo sav langroare diro fussar cidela pre kintan sav baroare sariphe honkar dolle te cidelandet tji kerras ta diro fussar jeck rattepha. Dojgla brukfarar rodi ascha te diro kammar kintan svacko trinn mintran, dolle aschar star tjiros pre jeck basht.

Tikno saipe gla rattphater

Kava drabb sav andrekammat östrogen nasht dokka jeck baroande saipe gla rattphater. Abbo dolle saipe honkar butt tikno. Dolle honkar baroare saipe te kamma rattphater karna diro honkar phari jeck karna diro kaar p-taubus.

Saipe gla rattphater baroas bashci diro honkar baro tullo, kammar jeck dad ta dakri ire prhal ire penja sav kammar fussat rattphater glanske 50 basht ire baschi diro kammar kammt dolle selare. Dannro brukfarar vorsnos penna te valjfara kommoni östrogenmukkanot rakkepha koro phari, p-stav iro tikno-p-drabb.

Savi nasht diro le p-drabb?

P-drabb nasht randras avri pre recept attjer jeck trakksan ire darton pre ternophasteddot ire vaver savrige. Diro nasht aur jaa to jeck gariaklinik ire arakcentral. Drabbet ler diro fann drabborforma.

Savi butt mollar p-taubus?

Sar butt p-taubus mollar dolle nasht honka najek pre savi an themmet diro boddrar ta sar phurano diro honkar. Abbo an dova buttaste themmar ta steddon honkar drabbet koprare karna diro honkar teli 20 basht.

Sar potto honkar p-taubus?

Baschi diro ler diro p-drabb sav diro sasste honkar dova butt potto, saipe honkar butt tikno.

Sar phatrar diro ninna p-taubus?

Baschi diro voltrar phatra ninna p-taubus, sav brukfarar dolle fedigaste ascha te kaa dova p-taubus bojza sav diro honkar pre ta tji aggra ninna jeck nevo senslo akkter kava.

Dolle honkar tji darranot te phatra ninna p-drabb masker an jeck bojzan, abbo saipe aschar te diro dannro nasht fussa tikno onikalo rattepha. Baschi diro tji voltrar bliddra phari sav honkar dolle barot te aggra brukfara kommoni vaver rakkepha koro phari baschi diro kammar bulopha.

Dolle honkar najek sar siggrepha kintan avar akkter te diro kammar phatrat ninna p-drabb. Khonnra manisch fussar nikalo kintan siggrepha akkter ta gla vaver manisch nasht dolle le butt montras.

Baschi diro tji voltrar bliddra phari honkar dolle barot te hingstri te rakkepha siro koro phari baschi diro kammar bulopha aur baschi kintan tji kammar avar veder.

Baschi diro tji fussat veder diro kintan pre sinkus montras akkter te diro phatrat ninna p-drabb sav saste diro le trissepha ninna jeck ternophasteddo ire vaver savrige gla kamma janepha sav dolle nasht soskip pre.

Ulavela

  • Dolle honkar jick potto rakkepha koro phari.
  • Kintan tiknoas ta bliddrar buttare nikalo.
  • Diro fussar tiknoare kintandukk.
  • Riziko gla inflammation ta butt vaver tiknoas.
  • Diro nasht cidela glanske kintan baschi diro saste tradra abri.

Menulave

  • P-taubus rakrepha tji koro minsheske.
  • Hormonerna nasht kerra sav sav diro bliddrar dukk an scherot, kammar lolloar ire kanslar diro tugalo. Aschtersavo najek p-drabb prekerela truppon pre najek sutt nasht diro maisa te le vaver ta jura baschi diro fussar vaver kerria.
  • Baschi diro tjiddras, kammar diarré ire bistrar te le jeck drabb nasht diro tji janar potto pre te dirots tji bliddrar phari.