Svedijoslallen, Býsskror, romano manisch, Pajkor ta tornedalingar honkar Svedijos nacionalikano haripar . Dolle nisaninela te dova kammar jeck juribesjat Rakkreprá – ta kultura avri anglalgla dova nacionalikano barabariper. Dolle honkar oppre to svacko dseno te agoranelar bàsi dova aschar jeck attjer kava lender nacionalikano haripar ire tji. Kava dinglar bàsi savi haripar diro prinjar gla.
1999 angigarela dova pansh etniciteterna savo nacionalikano haripar attjer themmdivusen . 2010 avar jeck nevo kanuni savo sordaloa dova nacionalikano haripar cacipe ta rakkreprá .
1177 Arakguiden ta Umo.se publicerar jikk ginj randrepà bàsi sastepa, arak ta cacipe an arakhlon pre decshu-dy bekenus angigar rakkreprá attjer dova pansh nacionalikano haripar.
Vorsnos kammar jaat párda Rakkreprágodit (Språkrådets) godi karna vorsnos kammar kerat chibirandra, ta randrade honkar prealjurade an kettanespha ninna vaver manisch gla dova nacionalikano haripar.