Kon tu san vaj khatar aves trubol la špitake lugeritsi te den tut informatcija kaj trubol tut. Godo si sar eksemplo te si te trubol la tut varikon te tolmačil vaj jek ramome informaticja, te šaj ačares sar žal o dikhimos kana roden kana o manuš si nasvalo.
E informaticija trubol te avel pala čiri situatcija aj tu te ačares so si. Važno si ke tu ačares aj te žanes sar tu te sastos. Tu alos korkoro če aktivno san, numa kana godi si tuke slobodo te phenes so kames.
Kana tu ačardan save alternativori aj save droma šaj alos atunči šaj premis, vaj te phenes pe jek kaver fjalo ke premis. Tu šaj alos te phenes ke či kames godo sastarimos kaj tel e špita. Vi te premisardan la spitako ažutimos te sastos, kana godi šaj pařuves o ažutimos.
Jek glata si vi lake slobodo te phenel pesko gindo. Te si e glata cinoři šaj avel ande jek than po godo manuš kaj purončil pe e glata, numa sode maj phurol e glata inke maj važno si ke o hen ačarel aj te purončil pa pesko sastarimos. Te šaj avel aktivno ande špitako sastarimos aj ažutimos si važno ke e glata ačarel e informatcija.
Savatar informatcija šaj avel?
Tu te les informatcija pa
- čiro sastimos
- savendar metodori si pe la špitako dikhimos, sastarimos aj ažutimos
- savendar ažutimata si pe sastarimos
- kana tu šaj les sastarimos khatar e špita
- so šaj ažukeras khatar e špitako ažutimos
- so šaj kerdol pe vaj komplikatcij kaj šaj kerdol pe
- sar anel o ažutimos kana aba sanas tu kaj špita aj šar žal
- savendar metodori si te na les nasvalimata vaj te malaves tut
- sar te les ažutimos khatar e Försäkringskassa te kamesa te žanes sar te rodes špita ande jek EES-them vaj ande Schweiz.
Univar šaj avel ke čere njamori trubol len informatcija pa čiro sastarimos. Numa khatar o sekreteso ferdi šaj čire njamori len informatcija kana von si tusa kaj e špita vaj te dan tu slobodia kaj e špita te den len informatcija.
Kaj jek akutno situatcija, sar eksemplo te si o manuš po merimos atunči e špita tel tut godo ažutimos kaj trubol ke šaj avel ke san tu zalime vaj či biris te des slobodia.