O manuš šaj lel o kondom sar ferdil pe könssjukdomar pe sogodicka sorti sekso sar mižakokurimos, analnokurimos aj te si e manušes mujalosekso e karesa. Pe mižakokurimos ferdil kodo vi po khamlimos.
Šaj o manuš vi te lel kondomo kana onaniril, te si e manušeske mišto aj te sitjol mišto te thol opre aj te žanel sar si te avel geco ando kondomo.
Si sogodicka kondomura, bare, formi, farbi aj gustora/smakura. E majbut kondomura save si te činenpe si ande prosti boltci si dosta isti/sajekh, numa šaj te arakhenpe jekh bari variacija ande barimos aj formi po interneto/webo aj ande laše seksoske-boltci.
Nasajekh kondomura šaj pasolin nasajekh mišto pe nasajekh kara aj andakodo šaj avel mišto te zumavelpe o manuš te arakhel jekh kondomo savo o manuš kamel.
E majbut kondomura si makhle kusa čusimasko-drab te aven laše/mišto pe leste tena morel les.
O manuš te si alergično po lateks (gumiva) o manuš šaj thol kondomura save si kerde anda plastika.
Sar/so kerelpe e kondomosa?
O kondomo tholpe po kar savo opre tordjol vaj pe jekh seksosko-bajo. O kondomo te žutil ferdi pe telune-nasvalimata aj po khamnimos si kodo imortanto te avel opre pe intrego kurimos.
Te avela mukhimos ando kondomo o manuš trobul te lel sama kana lel avri o kar kade tena pičal avri geco ande miž vaj ande analo.
O manuš šaj trobula te sitjol jekh cera te thol/cirdel opre jekh kondomo mišto sarso trobul. Te si e manušes jekh kar šaj sitjol o manuš te tholes opre kana o manuš onaniril. Tena naj e manušes kodo atunči šaj lel o manuš primeri jekh dildo vaj jekh ropaj te sitjol pe kodo.
Kade kerelpe te tholpe jekh kondomo pe primer ekh kar vaj dildo:
- Puter e kondomeskopaketo.
- Cirde opre o kondomo jekh kotor kade te dičol pe savi rig voj boldelpe opre pe.
- Te thola opre po jekh kar kodo musaj te avel zuralo kana boldelpe/ cirdelpe opre.
- Te si e manušes morci-anglal atunči kodi cerdelpe palpale.
- Šuv o kondomo opre po ollonet, njomisar le najenca po inkerimos jokhvarsa sarso o kondomo boldelpe/cirdelpe tele anda kodo tena avel ande lufto maškar o kar vaj dildo aj o kondomo.
- Kana o kondomo cirdaspe ži tele, cirde tele o kondomo cera aj cirde les tele ži kaj naj aba khanči te boldelpe/cirdelpe aba. Te si o kondomo po kar trobul kodo te cirdelpe avri angla kodo kana o (opre) toržimos mukhlaspe tele. Astar krujal o kondomo tene kaj kareskoagor, kana cirdelpe avri o kar, kade tena perel tele o kondomo.
- Šude o kondomo ando gunuj. Na mukhles tele ando WC/toaleto.
Kaj šaj te lenpe/arakhenpe kondomura?
Kondomura butivar ulavenpe avri vaj te bičinenpe pe ternimatengethana.
Von si vi te činenpe vi pe patika, ande xamaske-boltsi, kioskura aj po webo/interneto. Kondomura bičinenpe vi ande automatura pe varesave kinura, restauranura/kirčimi aj klubura. Jekh majbari variacija pe kondomura si pe maj laše seksboltsi aj po webo/interneto.
Kači keren e kondomura?
E kondomura bičinenpe majbutivar ande paketura pe majbutende ande. Kači kodola keren šaj avel variacija pala savi sorta kondomura o manuš alol aj karing/kaste o manuš činel len. Pe ternimatengethana butivar e kondomura denpe avri iva vaj bičinenpe pe jekh lezno cena/priso.
Kači sigurno si o kondomo?
Kondomo si jekh sigurno žutimo vi pe telune-nasvalimata aj vi po khamnimo te kerela pe lesa sarso trobul/žal, pe intrego vrama kana si o manuš ando kurimos aj kanagodi o manuš kurel.
Kondomura trobun te inkrenpe ande sobaki-temperatura aj pe jekh than/platso kaj či morelpe/čičidel pe varesoste. Laše thana kaj te inkrenpe si sar ande jekh zubunoski-posotji vaj ande jekh taška.
Čore thana so sar ande kalcaki posoči-palal vaj ande jekh khamali feljastra. Ekh kondomo savo si purano vaj avri šuko/šučardo pharadjol maj sigo.
So si mišto
- Lašo žutimo pe telune nasvalimata.
- Sigurno žutimo po khamnimos.
- Či artil po stato.
So naj mišto
- Šaj avel jekh ruto momento andakodo ke ferdi atunči šaj te tholpe opre anglunes kana e manušeske toržol opre.
- O manuš musaj te dikhel te aven leske po vas kana kamel te kurel.
- O manuš šaj te sitjol varekači sitjarimata angla kodo kana žala vušoro te thol opre aj ačardjol mišto te anvel les.