Si pherdo fjalori hamime preventivna draba, pe uni si maj but žuvlikano hormono, östorgen, aj andeaver maj but gestagen. Godo kerel te mezajil o stato pe pherdo fjalori. Anda godo si maj mišto te zumavel pe o manuš, savo drab si maj lašo le manušeske.
Ando preventino drab kaj ferdi si andre o hormono gestagen si de fjal xanci andre, bušol cinořo drab. Si vi jek drab kaj si pherdo gestagendo kaj si la sa jek fjalo preventivno sar jek hamime sar jek preventivno drab.
Pala drabengi karta sikhavel soski preventivno drab si le manušes. Te avela le manušes jek drabengi karta kaj vi si draba andre kaj naj hormonori andre, godo si mišto te si le manušeske phares te serel kana te lel pe, pe jek nevi karta.
Telal jek kurko pel o manuš bi hormonoske draba vaj či lel o drab, atunči avel sar o žuvlikano šon pe o manuš. Godo bušol univar sar preventivno drabengo žuvlikano šon vaj ke šordol o manuš. Vi te či le la o manuš le preventivna draba, si o manuš protekcijime te na kerdos ande Devleske vast tela godo kurko.
Sar pel o manuš o preventivno drab?
Te pela o manuš preventivno drab, si le manušes jek drabengi karta pe 21 vaj 28 draba andre. O manuš trubúl te pel o drab pašte kaj sa jek fjalo časo, svako dzžs kaj.
Te si le manušes jek karta pe 21 draba, atunči či pel o manuš tela jek kurko le draba, kana pilan sa le 21 draba.
Te si le manušes jek karta pe 28 draba, atunči pel o manuš draba kaj naj andre hormonori tela le plasnetni džesa pe e karta. Sode draba kaj si bi hormonoske maladol pe savendar preventivna draba pel o manuš. Le draba kaj naj andre hormonori bušon univar zaroske draba.
Te bisterda o manuš vaj šalgla opre o preventivno drab
Važno si te lel o manuš kaj pašte sa jek fjalo časo svako džes. Te či pela o manuš o drab maj but sar 12 časori, sar te gela maj but sar 36 časori maškar le duj draba, šaj avel atunči ke manaj o manuš protekcijime te kerdol o manuš ande Devleske vast.
Sode lungo vramja šaj žal maškar duj draba maladol pe savatar preventivno drab o manuš pel, aj kaj si o manuš pe e karta. Godo so žindol vorta pe le preventivne draba kaj o manuš pel, šaj džinel o manuš pe e ram kaj si andre ande paška le drabengi. E ram si godo kaj si andre ande drabengi paška kana o manuš činel o preventivno drab.
O manuš šaj lel vi kontakto kaj e špita khote kaj la o manuš o preventivno drab ramome avri.
Te si jek riska ke manja o manuš protekcijime te ašel ande Devlesko vast, trubúl o manuš te kerel gado:
- Te lel vaj te pel o preventivno drab kaj o manuš či la, sar maj sigo.
- Te avel le muršes o murškano protekcija vaj e žuvli o žuvlikano tijari, te site kamela pe o manuš tela godo kurko kaj avela.
- Te lel o manuš sigo preventivno drab te sas te kamla pe o manuš te panž džesa palpale, angla si bisterda o manuš te pel o drab, ke o gezto dashtil te trajil ande materica aj ande le anreske droma ande pherdo džesa.
Te šadela o manuš tela le štar casori kana o manuš aba pila o drab vaj o manuš vušarda le poŕa, naj sogoro ke la o stato opre o hormono. Atunči trubúl o manuš te lel jek nevo drab, te šaj kerdol protekcijime.
O nevo drab trubúl o manuš te lel khatar jek kaver karta, te na avel ke naj kana pel o manuš o drab e aver data. E karta šaj avel le manušes garadi, vi te trubúl te lel o manuš jek drab maj but.
Te sas o manuš nasvalo pe o dži vaj te si vareso kaver aj ačarel pe o manuš ke naj sogoro te pela le draba, si atunči mišto te avel le muršes muršakno protekcija aj kaj e žuvli o žuvlikano tijari, tela godo kurko kaj avel.
O manuš kana godo šaj del duma me jek žuvlikano doktoro, sar eksemplo kaj jek ternimatengi špita vaj žuvlikani špita te či avela o manuš sogoro.
O manuš šaj šudel o opre o žuvlikano šon ažutimasa me o preventivno drab
Univar šaj avel mišto te šudes opre o žuvlikano šon, sar eksemplo te tradela o manuš ande thema. Aj godo šaj keres ažutimasa me o preventivno drab. Atunči lel pe o manuš te pel anda jek nevi karta anda jek data, kana e phurani getol. Te si le manušes e karta me e zaroske draba, atunči či trubús te pes le numa te lel pe o manuš anda jek data pe jek nevi karta. Godo si ke či trubúl o manuš te ažukerel o kurko te našol, jipon o manuš či kamel te avel o žuvlikano šon, sar eksemplo te avel o žuvlikano šon kana o manuš avilo khere khatar le thema.
Naj bajo te šudes opre o žuvlikano šon aj godo šaj kerel o manuš pherdo šon.
Sode maj but o manuš šudel opre o žuvlikano šon, maj bari chansa si ke či žal aj sa avel o žuvlikano šon. Anda godo phenas butivar te avel le manušes o žuvlikano šon sar maj but sar trin šon, godo si sar štarvar ando berš.
Jek cinoři chansa te lel o manuš ratesko plumbo
Preventivna draba kaj si andre o žuvlikano hormono, östrogen, šaj avel jek cinoři chansa te lel o manuš ratesko plumbo. Numa e chansa si de fjal cinoři. Sar eksemplo si maj bari chansa te lel o manuš ratesko plumbo kana e žuvli si ande Devleske vast sar kana pel preventivna draba.
Chansa te lel o manuš ratesko plumbo maj barol te si o manuš de fjal thulo, vaj te sas kaj le njamori vaj kaj le manušeske pej aj pral, kaj line ratesko plumbo angla so kerdile 50 beršenge, vaj te sas le manušes angla ratesko plumbo. Atunči phenel e špita ke maj mišto si te pel jek drab kaj naj o žuvlikano hormono, östrogen, te kamela o manuš protekcija te na kerdol ande Devleske vast, sar eksemplo preventivno rovli vaj le cinořo draba.
Kaj lel o manuš le preventivna draba?
Preventivna draba si ramome pe recepta khatar jek žuvlikano doktoro vaj doktoro pe jek ternimatengi špita, žuvlikani špita vaj kaj kamel pe- aj sar o manuš trajil ande jek than špita. O manuš saj boldel pe kaj jek žuvlikano kliniko vaj kaj špita. Le draba lel o manuš avri ande patika.
Sode kerel preventivne draba?
Sode kerel o preventivno drab maladol pe kaj o manuš bešel ando them aj sode phuro si o manuš. Numa ande but regionori si o preventivno drab maj lesni, te si o manuš telal 20 beršengo.
Če sogoro si o preventivno drab?
Te pela o manuš preventivne draba si jek cinořo chansa ke či ašel ande Devlesko vast.
Sar mukhel o manuš o preventivno drab?
Te kamela o manuš te mukhel le drabaa, atunči si o maj mišto te pel gata e karta aj purme te na pele maj.
Naj bajo te mukhel o manuš o drab maškaral ande jek karta, numa e chansa si ke o žuvlikano šon či avel pe vramja. Te či mangela e žuvli te ašel ande Devleske vast, važno si atunči ke lel pe vareso aver protekcija karing te ašel ande Devleske vast, te si te kamela pe.
Maladol pe pala svako manuš kana avel o žuvlikano šon, kana o manuš mukhla le draba. Kaj uni avel o žuvlikano šon pe vramja aj kaj aver šaj lel pherdo šon.
Te či kamela te ašel ande Devlesko vast, trubúl o manuš te serel te avel len protekcija kana kamen pe, vi te či avila o žuvlikano šon. O žuvlikano anro lel pe pašte 14 angla o žuvlikano šon avel aj atunči si e maj bari chansa ke kerdol o manuš ando Devlesko vast.
Te či avilo o žuvlikano šon pala šov šon kana o manuš mukhla le draba, atunči trubúl o manuš te lel kontakto me jek ternimatengi špita, žuvlikani špita, morčiako- aj murškano aj žuvlikani špita vaj kaj e špita, te dikhen anda sostar či avila o žuvlikano šon.
Mištimos
- O manuš či ašel ande Devleske vast.
- O žuvlikano šon xancol aj avel pe vramja.
- Xancol le dukha khatar o žuvlikano šon.
- E chansa te lel o manuš inflamatcija ande le žuvlikane anreske droma aj raka ande le žuvlikane anreske droma aj materica xancol.
- O manuš šaj šudel opre o žuvlikano šon ažutimasa le drabensa.
Nasulimata
- O preventivno drab naj la protekcija karing murškane aj žuvlikane nasvalimata.
- Le hormonori mezajin ando stato, sar eksemplo sereski dukh, o manuš šaj kerdol phugňalo vaj ačarel pe tristo. Pala pherdo fjalori preventivna draba kaj mezajil le statos, maladol pe godo pala svako manuš, atunči o manuš šaj zumavel pe angle aj te pařuvel kaj jek aver drab, te si te lela o manuš pra but dukha khatar o drab.
- O manuš te šadela, vaj vušarel pe poŕa vaj bistrel te lel o drab, naštil o manuš te avel sogoro te či ašel ande Devleske vast.