Si trin seksualne manušipe: bi seksualno, hetero seksualno vaj homo seksualno. Butivar phenel o manuš ferdi homo, hetero vaj bi. 

  • Bi seksualno si kana o manuš pherel ando kamlimos vaj kerdol te kamel pe vi žuvliansa aj muršensa.
  • Hetero seksualno si kana o manuš pherel ando kamlimos vaj kerdol te kamel pe ferdi kana si, murš ande žuvli vaj žuvli ande murš. Jek aver vorba pe godo si straight.
  • Homo seksualno si kana o manuš pherel ando kamlimos vaj kerdol te kamel pe, murš ande murš vaj žuvli ande žuvli. Jek aver vorba pe godo si gay. Žuvlia kaj kamen žuvlia phenen peske žuvliango, lesbisk vaj flator. Murš kaj kamen muršen phenen peske muršsange, bögar.

Normalno si te del pe gindo o manuš pa pesko seksualno manušipe 

Normalno si te del pe gindo o manuš pa pesko seksualno manušipe. Savo seksualno manušipe si le manušeske drago, šaj pařaudol pe tela o traijo.

O manuš alol korkoro so kamel te phenel peske, sar bi, hetero vaj homo. Numa o manuš vi šaj alol te na phenel savatar seksualno manušipe si le manušes.

Ažukirimos kruglom khatar kavar manuš

Le manuš kruglom ažukeren butivar te avel o manuš hetero seksualno. Te či prinžarela o manuš godo atunči o manuš šaj ačarel pe ke si kaver fjalo, ke či dičol vaj ke si avral.

Te phenel o manuš pa pesko seksualno manušipe

So si vaj so naj le manušeske seksualno manušipe alol o manuš korkoro kana godi te kamela te phenel aj kana kamel te phenel kavrenge pa pesko manušipe.

Te si o manuš hetero seksualno atunči butivar o manuš či phenel godo avrenge, ke butivar gindin le manuš ke si godo.

Te si le manušesko seksualno manušipe homo vaj bi, atunči šaj avel ke o manuš kamel te phenel godo vaj ke trubúl te phenel godo.

Seksualno manušipe naj la kanči sar o manuš anel

Univar gindin uni manuš ke san kaver fjalo pala le manušesko seksualno manušipe. E si le manušeske drago uni želi, anel vi kaver fjalo vaj si le manušes uni aver fjalo interesno.

Le manušesko manušipe, sar anel, save intresno si le manušes, vaj sar alol te trajil, naj pa savatar seksualno manušipe si le manušes.

Naj slobodo te nakhel jek manuš diskriminatcija pa pesko seksualno manušipe

Če seksualno manušipe si le manušes, si le manušes čačimos te trajil sar mangel.

Naj slobodo te nakhel jek manuš diskriminatcija pa pesko seksualno manušipe.

Te nakhela o manus kriminalno akcija ke si kaj o manuš aver seksualno manušipe, si godo jek baro bajo, kaj vi bušol xoralako čořimos, hatbrott.