Sar phuro, kodol so aresle 18 berš, lel doktoritsko žutipe thaj dandengo žutipe khaj chi birij te žukarel feri musaj te kerel pe akanak. Kodo si vi kana žuvlja žan khaj doktori pe žuvlikane buča, žutipe kusa abortsia thaj žutipe kusa preventivne buča.
Kana žal pe khaj doktoritsko vizita pe jekh vårdcentral anda doktoritsko žutipe so les pala remiso počnes 50 kronor. Jekh vizita, kusa remiso, khaj kaver žutipe počines 25 kronor. Kodo šaj te avel jekh vizita khaj kuratoro.
Tu šaj te keres jekh vizita pe jekh vårdcentral vaj khaj jekh phuterdo specialist žutipe ande savo landsting manges ande intrego Švedo. Te rodes azylo musaj te les jekh remiso maj anglal te si kade ke trobuj tu jekh remiso pe čiro nasvalipe.
Žutipe khaj dentista ando folktandvården kerel 50 kronor.
Pe medicina so si pe recepta počines 50 kronor, thaj te trobuj tut nasvalimaske tradimata koštulij kodo maksimalno 40 kronor. Te si o tradipe ande jekh kaver landsting počines intrego košta.
Prevenciake šavorengo thaj dejango žutipe, žutipe kana e žuvli si phari/kamni thaj kana o šavoro arakhadžol/biandžol si bi lovengo. Te san nasvalo thaj čiro nasvalipe perel kaveren si kado žutipe pe jiva.
Kana rodes doktoritsko žutipe sar azylanto si te sikaves opre jekh karta khatar Migrationsverket, Kadi karta bušol LMA-karta. LMA žnacij lagen om mottagande av asylsökande zakono sar lel pe jekhe azylantos thaj kadi karta si pe vrama thaj jekh identifikatsiaki karta tela kodi vrama so roden azylo.