Šaj te phiravel pe kondomo sar protectia karing telune (seksoske) nasvalimata kana si e manušes diferentno sekso sar vaginalno (mižako), analno (buliako) sekso thaj kana si mujesko sekso po jekh peniso. Kana si vaginalno sekso del o kondomo vi protekcia te na perel e žuvli phari.
Šaj vi te phiravel pe kondomo kana kerel pe masterbutcia (khelipe kusa o peniso vaj vagina), te si kodo mišto e muršeske thaj te sitciol pe sar te uravel pe o kondomo mišto thaj te žanel pe sar ačardžol pe te mukhel pe sperma ando kondomo.
Si diferentne kondomura ande diferentne barimata, formi, kolorura thaj smakura. Maj but anda e kondomura birij pe te khinel pe ande normalne boltci, numa birij pe vi te arakhel pe maj but variatcia, pe formi thaj barimata po internet vaj ande maj bulhe sortimentovane seksualne boltci.
Diferentne kondomura šaj te pasulin mišto pe diferentne penisura thaj anda kodo šaj te avel mišto te zumavel pe diferentne te arakhel pe jekh kondomo so žal mišto.
Maj but anda e kondomura si kerde kusa lubrikatcia (khindo kremo) te avel maj mišto thaj te na dukhal thaj te morel.
Te si alergia karing latex (gumi) šaj lel pe kondomura nda plastiko.
Sar lel pe pe peste jekh kondomo?
O kondomo uravel pe pe jekh peniso khaj tordžol (stånd) vaj pe seksualne khelimaske bajura. Te avel kade te del o kondomo protekcia karing telune nasvalimata thaj te na peren phare si importatno te avel kodo opre tela intrego seksualno akto.
Te mukhel pe o murš (getso) ando konodmo trobuj pe te lel pe sama kana kana lel pe avri o peniso te na šordžol avri o getso ande vagina (miž) vaj ando analo (bul)
Trobuj pe te zumavel pe butivar sar te uravel pe jekh kondomo te kerel pe kodo mišto. Te si jekh peniso šaj te zumavel pe kodo kana kerel pe masterbutcia. Te naj jekh peniso šaj te zumavel pe pe jekh dildo vaj pe jekh ropaj te žanel pe sar te kerel pe maj angle.
Kade kerel pe kana uravel pe jekh kondomo pe jekh peniso vaj pe jekh dildo:
- Puter e kondomoski patcka.
- Bolde ekcera opre o kondomo te diciol ande savi rig o kondomo si te žal.
- Te si o kondomo te avel urado pe jekh peniso si kodo te avel zuralo kana si te uravel pe o kondomo.
- Te si morci opral o peniso (förhud) si te cirdes e morci tele.
- Šuv o kondomo pe penisosko šero, kikide e najenca kana šos opre o kondomo te del avri sa o lufto te na avel lufto maškar o peniso vaj o dildo thaj o kondomo.
- Kana šutan o kodomo ži tele, cirde ekcera opre o kondomo thaj bolde avra intrego te na avel maj but guma khaj šaj te boldel pe avri. Te si o kondomo pe jekh peniso si te lel pe o kondomo tele ži pun o peniso tordiol. Hucil o kondomo paša e pele, kana si te les avri o peniso, te na perel o kondomo tele.
- Šude o kondomo ando semeto. Na mukh les tele ande toaletta.
Khaj šaj te arakhel pe kondomura?
Butivar del pe avri pe jiva vaj biknel pe kondomura pe ungdomsmottagningar.
Šaj vi te khinel pe kondomura pe apoteki, ande habenge boltci, kioski thaj po internet. Kondomura bikindžon vi ande automatura pe uni khinura (cinema) restoranura thaj klubura. Maj bari variatcia si ande bulhe sortivovane seksualne boltci thaj po internet.
Sode kostulin e kondomura?
Kondomura bikindžon butivar ande patcki khaj si maj but kondomura andre. E čimin šaj te avel diferentno kana khinel pe diferentne kondomura thaj khaj kodol khinel pe. Pe ungdomsmottagningar del pe butivar e kondomura pe jiva vaj biknel pe kondomura maj lezno sar ande boltci.
Sar sekurne si e kondomura?
Kondomo si sekurno karing telune nasvalimata thaj te perel varikhon phari te uravel pe o kondomo sar khaj trobuj pe, tela intrego vrama khaj si e manušen sekso thaj po sako paso kana si e manušen sekso.
Kondomura si te aven inkerde ande sobaki temperatura thaj pe thana khaj von či kikidžon karing variso. Laše thana šaj te avel exemplo ande jekh zubunoski posoci vaj ande ande jekh butelari.
Čoro than si ande paluni posoči ande kalci vaj paša jekh feljastra kana si khamasli vrama. Jekh kondomo khaj si purano vaj khaj šučilas avri paradžol maj lokho.
Posetivne buča
- Sekurno karing teluni nasvalimata.
- Sekurno te na perel pe phari.
- Či kerel kanči karing o stato.
Negativne buča
- Šaj te avel jekh ruto momento kana uravel pe o kondomo ke kodo šaj feri te kerel pe kana tordiol o peniso.
- Musaj te avel paša jekheste kana kamel pe te kerel pe sekso.
- Trobuj dosta but treningo ži pun žanel pe sar te šol pe o kondomo mišto thaj ži pun mištoj te phiravel pe les.