Ghindura pa angluni data

Kana nas manušes seksualno akto varikhasašaj te avel e manuses but ghindura sar kodo ačarla pe, sar kamel pe kodo te avel thaj kana kodo si te kerel pe. Šaj te avel kade ke šundas pe sar e amala vorbin pa kodo, diklas pe pe filmura, ginadas pe gažeti vaj šundas pe varikhastar sar kodo si te avel.

Butivar ghindoj pe atunči pa vaginalno (mižako) seksualno akto. Rodimata sikade ke but manuš nakhen o gymnasium thaj šoha nas len vaginalno seksualno akto. E doša khaj kado šaj te avel diferentne, sar eksemplo ske či kamel pe, nas e manušes šansa, ke si e manušes te kerel seksualne aktura manušenca anda sa kodo manušipe vaj ke si intereso pe kaver seksualne aktura sar vaginalno seksualno akto.

Korkori lel pe e decizia

Univar šaj o manuš te ačarel pe stresovano vaj ačarel ke musaj te kerel sezualne aktura vi te si kade ke či kamel pe čačimasa te kerel pe kodo vaj ačarel pe ke naj inke e vrama pe kodo. 

Šaj vi te ačarel pe ke musaj te žukarel pe vi te kamlov pe te kerel pe seksualno akto. Te ačarel pe ke musaj te avel jekhes sekso vaj ke musaj te žukarel pe po sekso šaj te avel kerdo khatar e amala (grupptryck) vaj e žukarimata khatar e familja. 

Importantno te serel pe ke o manuš so si te kerel seksualno akto si te kerel kodo so vov korkori ačarel si leske mišto.

Korkori lel pe e dedecizia

  • pa pesko stato
  • te kamel pe vaj kana kamel pe te avel seksualno akto
  • sar kamel pe te kerel pe seksualne aktura
  • kasa kamel pe te kerel pe seksualne aktura.

Beršeske granitsi po sekso?

Či birij pe te decedulij pe jekh beršeski vrama po sekso, kodi vrama ačarel pe korkori. Si jekh zakono so phenel ke jekh manuš opral 15 berš naštik te kerel seksualne aktura, vaj kaver sekso, varikhasa khaj si tela 15 berš. Numa ando zakono skrij pe vi kodo ke naštik varikhon te lel krisi te naj kade ke varikhon kerdas kodo zorasa.

Numa kodo so si kritikalno si savi diferencia si ande berš, te si bari diferencia maškar e manuš khaj sas len seksualne aktura thaj te sas kado lendar kamlo thaj na pe zor. Kado zakono si pe sa e manuš sajek vaj murš vaj žuvli si. Kado zakono si te del protektsia e šavorenge te na nakhen nasulimata varikhastar khaj si maj phure sar von. Pala zakono naj kanikas slobodia te kerel variso seksualno kana o kaver či kamel kodo.

Tipso angla seksualne aktura varikhasa

Normalno si kodo ke o sekso si maj kaver sar khaj sar ande ghindura. Univar šaj te ačardžol pe ke čorro sas o seksualno akto anda kodo ke nas sar khaj sas ando ghindo.

Sekso si variso so trobuj o manuš te trenulij te avel lašo, sar but kaver buča ando trajo. Naj kade ke but manuš birin te cirden mišto pe gitarra kana či sitčile te cirden jekh akordo, vaj inkerde o instrumento! Angluni data si but bajura si trobuj o manuš te inkrel ande ghindura thaj uni bajura šaj te zumavel pe maj anglal.

  • Zumav ekcera masturbatsia maj anglal, atunči si maj lokho te žanel pe so si e manušeske mišto.
  • Te arakhel pe sensualne thana pe jekh kavereske statura: vorbin jekh kaveresa, rode, ačar thaj phen so kames.
  • Šaj te azbal pe, čumidel pe thaj te kerel pe kaver laše bajura te phabarel jekh kaveres.
  • Len protektsia, sar eksemplo kondomo vaj slicklapp (čarimasko plastiko), thaj trenulin sar te phiravel pe kodo.
  • Keren sekso pe jekh pačako than ke atunči si maj lokho e manušeske te ačarel pe mišto.

Pačiv (oskuld)

Univar šaj te šunel pe ke o varikhon si pačivalo kana nas len sekso. Kodo šaj te značil pe ke nas sekso kusa o peniso (kar) ande vagina (miž) numa kodo šaj vi te avel ke nas e manušes šoha sekso.

Uni manuš či kamen te phenen e vorba pačivalo. Kan ke si ačarel pe o manuš došalo, kana naj pačivalo maj dur. Sar te avilov lažav ke sas e manušes sekso. 

Maj but anda manuš so phenen pačivalo či ghindon kade. Phenel pe pačivali sar jekh vorba ke nas kodola sekso maj anglal. Kana sas e manušes sekso phenel pe ke kodo manuš aba naj pačivalo, vaj ke hasardas e žuvli peski pačiv. Kam si kade ke ačarel pe o manuš lošako ke aba naj pačivalo. 

Sako jekhes si čačipe te decedulin kana len si te avel sekso angluni data. Kadi naj khanikaski buči feri čiri. Či birij pe te dikhel pe jekh manuš thaj te žanel pe vaj sos kodoles sekso vaj na. Či jekh doktori vaj jekh barnmorska či birij te dikhel kodo. 

Žuvliaki pačivori?

Kodo so kamel pe te phenel pe kana phenel pe žuvliaki pačivori si čačimasa o phuteripe ande e vaginako opruno drom khaj žal maj andre ande e vagina. Phuteripe šaj te inkrel jekh iregularno forma thaj o kanto šaj te avel ekcera maj thulo pe uni thana vaj te aven kantura. O phuteripe bulhol thaj phuterdžol tela o puberteto, numa šoha či hasajvel. Numa naj či sosko membrano (hinna) so šaravel e vagina. 

Anda kodo ke naj či sosko membrano či birij kanči te paradžol kana si a žuvlia seksualno akto. Numa uni žuvlia šaj te mukhen kana len si vaginalno seksualno akto angluni data, numa maj normalno si te na avel rat.

Kodol so mukhen rat mukhen  rat ke o kanto pe vaginako phuteripe si za kikidino. Numa maj normalno mukhel pe o rat anda kaver doša, sar ke o manuš si na nervozno vaj ke naj e žuvli phabardi (upphetsad).

Či birij pe te dikhel pe pe jekhe manušes vaj kodo si pačivalo vaj na. Či jekh doktori vaj jekh banmorska birij te dikhel vaj varikhas sas sekso.