Sekso šaj te avel mišto, lošako thaj interesno. Univar šaj vi te avel kade ke o manuš či kerel kodo so čačimasa si zurales importatno ande kodi sekunda. Sar exemplo te lel pe protekcia te cinjarel pe e chansi te lel pe telune nasvalimata. Te si kade ke manuš pindjarel pe ande kado šaj te avel vrama o manuš te žal te testulij pe pe kadal buča.
Sostar si o manuš te žal te testulij pe pe telune nasvalimata?
Mindig si mišto te žal o manuš pe testi pe telune nasvalimata te sas e manušes sekso bi protekciako. Trobuj te kerel pe kodo vi te si kade ke o manuš ačarel pe sasto ke si uni telune nasvalimata so či den či soske symtomura (či dičol o nasvalipe avri)
Te si kade ke varikhon kamel te phandel pe varikasa thaj či kamel te protektulij pe, si atunči mišto te žan sel duj thaj te testulin pe anglunes.
Šaj vi te avel kade sas dujen sekso thaj pala kodo žal jekh thaj testulij pe thaj sikadžol pe ke kodoles/kodola si jekh teluno nasvalipe. Te si kodo teluno nasvalipe ande ande smittskyddslagen, atunči šaj e manuš so kerde sekso kodolesa so si nasvalo te len jekh lil vaj vorbipe khatar jekh mottagning mangimasa te žal kodo manuš te testulij pe.
Naj musaj te avel kade ke o manuš perdžlas khatar o nasvalipe, numa pala o zakono musaj o manuš te žal te testulij pe te cinjarel pe e šansa te žal o nasvalipe maj dur.
Kana si o manuš te žal te testulij pe pe telune nasvalimata?
Soha naj za puzno te žal pe te testulij pe pe telune nasvalimata te sas e manušes sekso bi protekciako. Pe uni nasvalimata šaj but šona thaj uni vi berš te načon ži pun e manuš den pe doš ke variso naj mišto.
Numa šaj te avel kade ke o manuš žal za sigo te testulij pe. Či žal te testulij pe po dujto djes te sas e manušes sekso bi protekciako, ke o viruso vaj e bakteria so vazdel opre e infektcia či barilas dosta te sikadžol pe kodo pe prubi.
Sar exemplo či sikadžon e telune nasvalimata klamydia thaj gonorré maj sigo sar jekh kurko pala bi protekciako sekso. Thaj kaver nasvalimata, sar exemplo hiv, šaj te načon trin šon ži khaj birij te avel jekh sekurno pruba so birij te sikavel ke si o nasvalipe vaj na.
Sajek si savo nasvalipe si trobuj pe te žal pe khaj jekh mottagning kana o manuš daral vaj ačarel ke variso naj sar khaj trobuj. Te si kade ke žanel pe ke si bari šansa ke las pe teluno nasvalipe, sar exemplo ke žanel pe ke e manuš si nasvalipe khaj sas len sekso, atunči šaj vi te lel pe žutipe vi angla e gata prubi.
Te si kade ke nas e manušes sekso atunči či birij kodo manuš te lel jekh teluno nasvalipe. Atunči či trobuj kodo manuš te žal te testulij pe.
Khaj šaj o manuš te žal te testulij pe pe teluno nasvalimata?
Te kamel pe o manuš te testulij pe te dikhel vaj les/la si jekh teluno nasvalipe šaj te žal pe khaj ungdomsmottagning, hud- thaj könsmottagning vaj vårdcentral. Vi khaj RFSU si mottagningar khaj birij pe o manuš te testulij pe pe telune nasvalimata.
Žuvlia šaj vi te žan khaj žuvlianekliniki (kvinnoklinik) vaj khaj gynekologo. Klamydiake testi šaj vi te khinel pe ande apoteki vaj te khinel pe len pa internet.
Te žanel pe avri khaj o manuš birij te žal te testulij pe kote khaj o manuš trajij šaj o manuš te vorbij khaj o sjukvårdsrådgivningen 1177
Sar kerel pe e testi?
Te testulij pe o manuš pe telune nasvalimata žal sigo thaj naj pharo te kerel pe. Sar e testa žal zaležij pe pe savo nasvalipe o manuš mukhel e prubi thaj sar o manuš kerdas sekso thaj sar o manuš birisardas te perdžol.
Te sas vaginalno (mižako) sekso mukhel pe butivar urin (muter) prubi. Muršenge khaj kamen te testulin pe pe klamydia si jekh urinaki proba maj normalno. Žuvlia mukhen vi jekh pruba anda peski vagina. Kodo šaj o manuš te kerel korkori kusa jekh vatako kašt kana žal pe khere te kerel pe o testo vaj kana avel o testo pa internet.
Te si kade ke žanel pe ke si te mukhel pe prubi pe urina či trobuj o manuš te mutreljekh vaj duj časura angla e testa.
Pe kaver nasvalimata, sar gonorré, lel pe jekh pruba kusa jekh sano prubako kaštoro so mezij sar jekh sano tops. Kusa e prubako kaštoro azbal pe lokhes karing e ghinde thana ande vagina, urinaki rura, po agor ande analoski gropa vaj ando kirlo. E prubla lel pe kote khaj sas e manušes sekso. Kana šunel pe kado šaj o manuš te daral ekcera, numa jekh testa khaj žal sigo či ačardžol but.
Pe kaver nasvalimata šaj te mukhel pe jekh rateski pruba. Kodo kerel pe ke pusave jekha sana suvasa ande jekh vuna ando vast.
Te si kade ke ghindoj pe ke si e manuhses herpes lel pe vi prubi univar khatar jekh herpes pugni kusa jekh vatako kaštoro.
De si e manušes kondylom khaj dičol či trobuj butivar či soske testi, ke kodo kon kerel e testi dikhel tela jokvares so kodo si.
Kana lel pe atveto pe prubi?
Pe maj but prubi lel pe atveto tela jekh kurko. Kana mukhel pe e prubi vorbij pe o manuš khetanes kusa o mottagning sar von te keren kana von den o atveto palpale. Sar exemplo te vorbin po telefono, te bišaven jekh lil vaj te avel kade ke žal pe palpale kote te šunel pe o atveto.
Kana žukarel pe po atveto šaj te ačardžol kodi vrama phari. Kodo si naturalno ke o manuš daral thaj ghindoj but ži pun o atveto avel thaj e vrama ačardžol zurales lungo. Te si kade ke o manuš ačarel pe zurales čores trobuj kodo manuš te vorbij pe avri varikhasa pe peske ghindura thaj sar von ačaren. Kodo šaj te avel jekh amal, varikhon ande familja vaj varikhasa khaj si tumen pacape.
Šaj vi te len kontakto kusa jekh ungdomsmottagning. O personalo birij kote te žutij tumen ke von si sikle pušimatonca thaj ghindonca so si pe telune nasvalimata.
Keči kostulij kasavi testa?
Pe e telune nasvalimata khaj si ando smittskyddslagen, sar exemplo klamydia, gonorré thaj hiv atunči či kostulij kodo kanči thaj atunči si sajek sode beršengo o manuš si.
Te kerel pe testura pe kaver telune nasvalimata šaj e čimin te avel diferentno pe diferentne thana thaj pe savo mottagning tu djas. Butivar kerel pe testi te dikhel pe but telune nasvalimata tela jokvareste. Atunči dostaj te avel jekh anda e nasvalimata andre ando smittskyddslagen ke atunči či počinel pe e kaver testi.