35 prosjekth abpe rijhkesne leah åådtjeme 32 miljovnh kruvnh juktie barkedh årromelastojne. – Daate geerve barkoe årrome daejtie bøøremes veeljedh daejstie 260 ohtsemijstie, tjïelten- jih regijovnaleministere Liv Signe Navarsete jeahta.
Reerenasse sæjhta gaajhkesh daennie Nøørjesne gelkieh åadtjodh årrodh gusnie sïjhtieh. Daate orre Årromelastoeråajvarimmie galka buerebe byjressiebredahkh evtiedidh abpe rijhkesne.
-Dah ohtsemh vuesiehtieh stoerre eadtjohkevoete gååvnese abpe rijhkesne, tjïelten- jih regijovnaleministere jeahta. Ohtsemh bøøtin jïjnjebe goh 200 miljonvh krovni åvteste. Aamhtesh goh gåvloe, staare- jih jielemeevtiedimmie kultuvren gaavhtan jih prosjekth guktie veasomesijjieh åadtjodh gååvnesieh jïjnjh ohtsemi sisnie. Jeatjah aamhtesh leah dïenesjh, barkoe jih laavenjosteme.
Årromlastoeprosjekti veeljemisnie tjïeltij- jih regijovnaledepartemente lea kvalitetem, dibrehtimmie, orreussjedimmiem jih ektiebarkoem diedtiehtamme. Vihkeles ulmiedåehkieh leah noerh, nyjsenæjjah jih sijsjuhtijh. Daah fylhkentjïelht leah gïetedallemisnie vihkeles barkoem dorjeme.
Dihte evtiedimmieprosjekte GNEST daennie Snåasesne åådjte 1,2 miljovh kruvnh
Prosjekte galka golme jaepieh juhtedh. Daate Snåasen tjïelten prosjekte.
GNEST (Godt, nyskapande engasjement skaper trivsel i Snåsa) galka dajven gåvlojne barkedh. Jeananamme sisjjuhteme dihte ulmie lea. Daate prosjekte lea hijvenlaakan dibretamme mejnie tjïelte lea hijvenlaakan barkeme. Miijieh daarpesjibie jïjtjemh jïjtjeguvviem jih mijjen gåvloem bueriedidh gåarede lohkedh daennie prosjekteohtsemisnie. Prosjekte noerh jïh saemien almetjh joekoen vihkeles åtna. Jielemesdarjomh leah voernges barkijh jih skreejrijh årrome prosjekten gielhtie.
Vïjhte jaepieh gieltegs prosjektigujmie dajvine
-Reerenasse lea dovne ovmessie prosjektigujmie barkeme ihke hijven byjressiebredahkh tseegkedh jih årromelastoesæjrojne mejtie manne leam tseegkeme Dajvelutnjemisnie 2005:sne. Manne leam liereme man vihkeles lea ahte dihte evtiedimmiebarkoe hijven dibretamme lea, jih ahte jïjnjh almetjh laavenjostoeh. Manne daennie Årromelastoeråavjarimmesne daam diedtiehtem, Navarsete jeahta.
Tjïeltijh- jih regijovnaledepartementen saernietelefone: 22 24 25 00.
