35 prosjekth abpe rijhkesne leah åådtjeme 32 miljovnh kruvnh juktie barkedh årromelastojne. – Daate geerve barkoe årrome daejtie bøøremes veeljedh daejstie 260 ohtsemijstie, tjïelten- jih regijovnaleministere Liv Signe Navarsete jeahta.
Reerenasse sæjhta gaajhkesh daennie Nøørjesne gelkieh åadtjodh årrodh gusnie sïjhtieh. Daate orre Årromelastoeråajvarimmie galka buerebe byjressiebredahkh evtiedidh abpe rijhkesne.
-Dah ohtsemh vuesiehtieh ahte stoerre eadtjohkevoete gååvnese abpe rijhkesne, tjïelten- jih regijovnaleministere jeahta. Ohtsemh bøøtin jïjnjebe goh 200 miljonvh krovni åvteste. Aamhtesh goh gåvloe, staare- jih jielemeevtiedimmie kultuvren gaavhtan jih prosjekth guktie veasomesijjieh åadtjodh jïjnjh ohtsemi sisnie gååvnesieh. Jeatjah aamhtesh leah dïenesjh, barkoe jih laavenjosteme.
Årromlastoeprosjekti veeljemisnie tjïeltij- jih regijovnaledepartemente lea kvalitetem, dibrehtimmiem, orreussjedimmiem jih ektiebarkoem diedtiehtamme. Vihkeles ulmiedåehkieh leah noerh, nyjsenæjjah jih sijsjuhtijh. Daah fylhkentjïelht leah gïetedallemisnie vihkeles barkoem dorjeme.
Iedtjeles noereraerieh abpe fylhkesne
Ohtseme regijovnaleraereste Finnmarkeste maajetjh dåhkasji. Regijovnaleraerie åådjte 1,8 miljovnh kruvnh dåarjojne njieljejaapetje prosjekten åvteste ”Iedtjeles noereraerieh Finnmarkesne”. Prosjekte galka noereraerieh tseegkedh gaajkene tjïeltine. Naemhtie noerh maehtieh hijven dååjrehtsh åadtjodh guktie buerebe laavenjostedh jih govlesadtedh jïjtse tjïeltine.
Dihte soejkesje galka vijrebe dotkemh tjoelmedh daam barkose. Naemhtie maahta orre maahtoem åadtjodh guktie noereraerieh tsevtsieh noeri åssjelh siebredahken gaavhtan, jih magkeres værrhtoedimmieh noereraerieh skaepiedieh byjressiebredahkesne.
Vïjhte jaepieh gieltegs prosjektigujmie dajvine
-Reerenasse lea dovne ovmessie prosjektigujmie barkeme ihke hijven byjressiebredahkh tseegkedh jih årromelastoesæjrojne mejtie manne leam tseegkeme Dajvelutnjemisnie 2005:sne. Manne leam liereme man vihkeles lea ahte dihte evtiedimmiebarkoe hijven dibretamme lea, jih ahte jïjnjh almetjh laavenjostoeh. Manne daennie Årromelastoeråavjarimmesne daam diedtiehtem, Navarsete jeahta.
Tjïeltijh- jih regijovnaledepartementen saernietelefone: 22 24 25 00.
