35 prosjekth abpe rijhkesne leah åådtjeme 32 miljovnh kruvnh juktie barkedh årromelastojne. – Daate geerve barkoe årrome daejtie bøøremes veeljedh daejstie 260 ohtsemijstie, tjïelten- jih regijovnaleministere Liv Signe Navarsete jeahta.
Reerenasse sæjhta gaajhkesh daennie Nøørjesne gelkieh åadtjodh årrodh gusnie sïjhtieh. Daate orre Årromelastoeråajvarimmie galka buerebe byjressiebredahkh evtiedidh abpe rijhkesne.
-Dah ohtsemh vuesiehtieh stoerre eadtjohkevoete gååvnese abpe rijhkesne, tjïelten- jih regijovnaleministere jeahta. Ohtsemh bøøtin jïjnjebe goh 200 miljonvh krovni åvteste. Aamhtesh goh gåvloe, staare- jih jielemeevtiedimmie kultuvren gaavhtan jih prosjekth guktie veasomesijjieh åadtjodh gååvnesieh jïjnjh ohtsemi sisnie. Jeatjah aamhtesh leah dïenesjh, barkoe jih laavenjosteme.
Årromlastoeprosjekti veeljemisnie tjïeltij- jih regijovnaledepartemente lea kvalitetem, dibrehtimmie, orreussjedimmiem jih ektiebarkoem diedtiehtamme. Vihkeles ulmiedåehkieh leah noerh, nyjsenæjjah jih sijsjuhtijh. Daah fylhkentjïelht leah gïetedallemisnie vihkeles barkoem dorjeme .
Prosjekte Laavenjosteme åådtje 1 240 000 miljovnh Årromlastoebarkoste.
Laavenjosteme lea sjïere prosjekte mij galka maahtoejarngem tseegkedh jïjtjesyjhtehts barkoen åvteste daennie Tromsøsne. Prosjekte lea sjïehtesjamme festivali tjïrrh jih festivali gaavhtan mah jïjtjesyjhtehts våaromen gaavhtan juhtieh, mah kultuvren viertieh utnieh vihkelommes. Daate prosjekte lea Buktafestivalen, Insomniafestivalen jih Tromsøn gaskenaasjovnen filmefestivalen prosjekte jih sijjieh leah prosjektem evtiedamme. Dihte Laavenjostemen åssjele lea guktie daam jïjtjesyjhtehts daajroem jih maahtoem gorredidh jih evtiedidh mij joe gååvnese voernges festivaline.
Vïjhte jaepieh gieltegs prosjektigujmie dajvine.
-Reerenasse lea dovne ovmessie prosjektigujmie barkeme ihke hijven byjressiebredahkh tseegkedh jih årromelastoesæjrojne mejtie manne leam tseegkeme Dajvelutnjemisnie 2005:sne. Manne leam liereme man vihkeles lea ahte dihte evtiedimmiebarkoe hijven dibretamme lea, jih ahte jïjnjh almetjh laavenjostoeh. Manne daennie Årromelastoeråavjarimmesne daam diedtiehtem, Navarsete jeahta.
Tjïeltijh- jih regijovnaledepartementen saernietelefone: 22 24 25 00.
