Medtie 1000 dåaroenierh Hiejmevaarjelimmien dahkoedåehkijste Østlaantesne leah haarjeneminie disse mij lea Hiejmevaarjelimmien uvtemesth barkoe – almetjh vaarjelidh jïh vihkeles infrastruktuvre. Ektine pollisedåehkiejgujmie åarjel jïh noerhte Buskeruden pollisedajveste, dle Hiejmevaarjelimmie tjåadtjoehtæjja jearsoesvoeten åvteste.
Vaarjelimmieministere Grete Faremo HV-haarjanimmesne Djerv. - Guvvie: Rune Haarstad/HV
– Manne åådtjeme vihkelesvoetem vuejnedh dennie barkosne maam Hiejmevaarjelimmie dorje. Manne lyjhkim dam maam åadtjoejim vuejnedh Hiejmevaarjelimmien dahkoedåehkijste, vaarjelimmieministere Grete Faremo jeehti gosse haarjanimmiem Øvelse Djerv vaaksjoeji dæjstan. Dïhte haarjanimmie lea Hiejmevaarjelimmien støøremes haarjanimmie Østlaantesne daan jaepien.
Lïhke polliselaavenjostoe
Vaarjelimmien bieleste lea vihkeles stillemevuekide haarjanidh, jïh akte lïhke laavenjostoe pollisine dej joekehts boelhki tjïrrh aktene ov-vaantosne. Haarjanimmien aalkovisnie lea annje raeffie laantesne, jïh Hiejmevaarjelimmie pollisem dåårje barkoedåehkiejgujmie, pollisen stuvremen nuelesne. Mænngan haarjanimmesne dïhte tsiehkie vearrene, jïh Telemarhke jïh Buskeruden hiejmevaarjelimmiedajve diedtem vaeltieh siebriedahken jearsoesvoeten åvteste. Akte jeatjah vihkeles haarjanimmiebiehkie HV’ese lea haarjanidh guktie edtja barkojde tjïrrehtidh jïh aktivyøki barkoe laante-jïh mearoe-hiejmevaarjelimmien gaskem.
Guvvie: Rune Haarstad/HV
– Manne aktem haarjanimmiem vuajneme mij ussjedammes vååjnoe, dovne dej barkoej bïjre mah byjjebasse båetieh, jïh mah vihkeles objekth haarjanimmiedajve faala, goh staarh, mearoegaedtiedajve, jïh dihte jeatjah dajve, Faremo jeahta.
Vaarjelimmiediedtem reerie
Daan aejkien vaarjelimmieministere åadtjoeji Hiejmevaarjelimmien bijjiegietjiem vuejnedh. Dejnie barkoedåehkine jïjtjevyljehke nyjsenæjjah jïh kaarrh mah leah Varjelimmine latjkoem dorjeme, jïh haarjanieh 20-25 biejjieh jaepien. Daate lea semiprofesjonelle foevh mah maehtieh varki dïenesjasse båetedh abpe laantesne. Dah dåaroenierh øøhpehtimmiem åådtjeme Hæren, Mearoevaarjelimmien jallh Elmievaarjelimmien luvnie, jïh daelie altese sjïere maahtoem Hiejmevaarjelimmien luvnie nåhtadieh. Jïjnjh dejstie dåaroenierijste aaj meatan orreme gaskenasjovnale dïenesjisnie dej minngemes jaepiej.
Hiejmevaarjelimmie daej dåaroenieri maadthøøhpehtæmman jïh dååjrehtæmman vijriebasse bigkie, jïh haarjene guktie dah buajhkoes vierhtieh sjidtieh siebriedahkejearsoesvoeten sisnjelen, jïh tjïelke militære dahkojde.
