Jis lohkehtæjja aktem gåaroes tjaatsegem vøørhkie goh maalle, satne maahta dam nåhtadidh juktie seammaleejns haarjanimmieh mænngan darjodh. Juktie akte gåaroes maallem darjodh maam edtja mænngan dievhtedh, dle vøørhkemenuepie Lagre som -> filtype: Regneark-mal åtnasåvva.
- Rïhpesth aktem orre gåaroes barkoegærjam aktene ryøknemeaarkeprogrammesne
- Dievhtieh daerpies bïevnesh celline. Dah daabloeh eah byørh raedtiesievh utnedh, juktie edtja aelhkie årrodh dejtie cellide lohkedh.
a. Celle A1: Tjaelieh aktem sjïehteles bijjietjaalegem, vuesiehtimmien gaavhtan ”Sojjehth vaerbem”.
b. Raajroe 2 edtja gåaroes årrodh.
c. CelleA3: Daate akte sijjie gusnie learohke sov nommem tjaala. Learohkh sijjen nommh tjaelieh celline B3. Maahta maaje daam daabloem klaeriedidh.
d. CelleD3: Daesnie biejjiem tjaala jis vaajteles. Nåhtedh maaje funksjovnem ’Sett inn dato’. Dïhte lea faanen nuelesne ”Sett inn.”.
e. Raajroe 4 gåaroes. Jis lohkehtæjja tjiehpies utnije, maahta aaj dam laahpehtidh. Dïhte maahta raajroejalloem 5. raajrosne sjïehtesjidh.
f. CelleA5: Bïejh raajesem ” Maam vaerbide edtjh sojjehtidh?” Tjaelieh infinitijvehaamoem vaerbeste maam edtja sojjehtidh cellesne D3. Maahta maaje daabloem vaerbine klaeriedidh.
g. Edtja kolonnem C mænngan tjiekedh. Dannasinie ij tjoerh aamhth, mejtie edtja mænngan learoehkidie vuesiehtidh, daennie daablosne tjaeledh.
Daelie dïhte båata mij raaktan lea sjyøhtehke daan haarjanæmman.
- Mïerhkesjh cellide A6 jïh E16 gaskem. Veeljh ”Kantlinjer”, jïh bïejh raedtiesievh gaajhki celli bïjre. Dellie aelhkebe learoehkidie jïh lohkehtæjjese vuejnedh mij lea mij.
- Sjïehtedh kolonnegamtoeh guktie dah tjaalegegåhkojde sjïehtieh. Dam maahta darjodh dovne aarebi barkojne nïerhkie jallh mænngan.
- Raajroe 6 åtnasåvva dejtie bijjietjaalegidie goeresne, maam learohkh edtjieh dievhtedh:
a. Celle A6 gåaroes
b. CelleB6: Tjaelieh ”Presens” jallh ”Preteriume” jallh aktem jeatjah baakoem mij vaerben tijjem buerkeste.
c. CelleC6: Tjaelieh ”Faasite” jallh aktem jeatjah sjïehteles baakoem. Eah edtjh learohkh daam raajroem vuejnedh, bijjietjaalege lea uvtemes disse mij tjaala.
d. CelleD6: Tjaelieh ”Illedahke”.
e. CelleE6: Tjaelieh ”Poengh”
- Dievhtedh dejtie persovneles pronovmenidie ahkedh våålese kolonnesne A.
- Kolonne B lea dïhte kolonne gusnie learohkh edtjieh tjaeledh. Dïhte edtja gåaroes årrodh.
- Kolonne C lea faasite. Lohkehtæjja dejtie reaktoe vaerbesojjehtimmide tjaala. Daate goh våarome åtnasåvva dejtie bïevnesidie bååstede learoehkidie. Eevre vihkeles faasite reaktoe.
- Kolonne D lea formelkolonne. Daesnie daam formelem tjaala cellesne D7:
=HVIS(B7=C7;"Hijven!”; ”Pryøvh ikth vielie.")
- Juktie dam verkebe darjodh dle lohkehtæjja maahta kopijeredh cellem D7 jïh dejnie minngebe raajrojne lïjmesjidh kolonnesne D.
- Kolonne E: Daesnie learohke aktem poengem åådtje fïere guhten reaktoe vaestiedassen åvteste, 0 poenge jis båajhtoeh vaestiedasse. Daam veeljeme juktie formelem aelhkie darjodh.
- Bïejh tjåanghkan kolonnide E’sne, formele: =SUMMER(E6:E22)
- Tjiekh kolonnem C gosse kolonnem mïerhkesjh. Diedtieh C kolonnem bijjielisnie. Dellie kolonne edtja klaeriem målsodh. Steerh maarkørem kolonnen sisnie. Diedtieh åelkiesbielesne jïh veeljh ”Skjul”.
- Maahtah aaj ceellh leesedh.