Saemien mubpiengïeline: bïhkeden væhtah ulmiejaksemasse
galhkuvevuarjasjæmman 6. daltesen mænngan

Væhtah ulmiejaksemasse kvaliteetem faagemaahtosne buerkeste. Væhtah leah hammoedamme faagen
åejviesuerkiej dåaresth, jïh våarome lea maahtoeulmide learoesoejkesjisnie. Dan åvteste tjuerieh
learoesoejkesjinie ektine åtnasovvedh.

Væhtah ulmiejaksemasse edtjieh viehkine årrodh galhkuvevuarjasjimmesne learohken tjåenghkies
maahtoste faagesne. Galhkuvekaraktere edtja dam maahtoem vuesiehtidh maam learohke faagesne åtna
gosse lïerehtimmie galhka. Væhtah leah hammoedamme naemhtie guktie dah edtjieh nuepieh vedtedh
konkretiseradidh jïh sjïehtedidh. Maahtah vielie vuarjasjimmien bïjre lohkedh Ööhpehtimmiedirektovraaten
nedtesæjrojne www.udir.no/Vurdering/Standpunktvurdering-i-fag/

Væhtah leah gööktine bieline juakeme: saemien mubpiengïeline njaalmeldh jïh saemien mubpiengïeline
tjaaleldh. Åejviesuerkie gïele, kultuvre jïh lidteratuvre lea meatan vaaltasovveme daejnie göökte bieline.

Væhtah leah hammoedamme golmine daltesinie. Tjuara tabellem vealan lohkedh juktie progresjovnem dej
ovmessie daltesi gaskem lohkedh, jïh tseagkan juktie learohken tjåenghkies maahtoem gaavnedh.

SAEMIEN MUBPIENGÏELINE - DALTESE 6 –NJAALMELDH

Karaktere 2

Learohke ...

- aktem baakoeveahkam nuhtjie
guktie satne ånnetjilaakan maahta
dååjresh, domtesh, dååjreh-
timmieh, daajroeh jïh jïjtsh mïelh
soptsestidh

- såemiesmearan viehkehte
 goerkesadtedh soptsestimmine jïh
åehpiedehtieminie

- goltele jïh sisvegem vaajeste,
vuesiehtimmieh vadta såemies
bielijste tjaalegijstie, jïh jïjtsh mïelh
aelhkieslaakan soptseste

- såemies faage-aamhtsh
buajhkoeslaakan åehpiedahta, jïh
maahta såemies åehpiedehteme-dïrregh nuhtjedh

Karaktere 3 jïh 4

Learohke ...

- aktem baakoeveahkam nuhtjie
guktie satne åajvahkommes maahta
dååjresh, domtesh, dååjrehtimmieh,
daajroeh jïh jïjtsh mïelh soptsestidh

- naa hijvenlaakan viehkehte
 goerkesadtedh soptsestimmine jïh
 åehpiedehtieminie

- goltele jïh sisvegem guhkebe
tjaaleginie guarka, jïh jïjtsh mïelh
soptseste såemies bieliej bïjre
tjaaleginie

- faageles aamhtesh naa
hijvenlaakan åehpiedahta, jïh
maahta digitaale dïrregh jïh meedijh
nuhtjedh mah såemiesmearan leah
åssjelasse sjïehtedamme

Karaktere 5 jïh 6

Learohke ...

- aktem baakoeveahkam nuhtjie
guktie satne maahta dååjresh,
domtesh, dååjrehtimmieh,
daajroeh jïh jïjtsh mïelh
soptsestidh

- hijvenlaakan viehkehte
goerkesadtedh soptsestimmine jïh
åehpiedehtieminie

- goltele jïh åejviesisvegem guarka
guhkebe tjaaleginie, jïh ovmessie
bieliej bïjre tjaaleginie ussjede

- ovmessie faageles aamhtesh
åehpiedahta maereleslaakan, jïh
digitaale dïrregh jïh meedijh
maereleslaakan nuhtjie