Dabpenh jovnesh jïh vaeltieh dïedtem
Dle gaajhki dïedte suetiem covid-19 heerredh. Dabpenh jovnesh dovne gåetesne jïh olkene.
Årroeh gåetesne jis skïemtjes
Årroeh gåetesne barkoste jallh skuvleste jis skeamtjoeh jïh sovhtine, gossehts jallh vaejliem åtnah. Dellie sohte maahta mubpide laanestidh. Aaj jis ih leah ålvas skïemtjes.
Årroeh gåetesne dan guhkiem datne skïemtjes. Jis vïerrebe sjædta jïh ih jïjtjehoksine gåetesne starnedh maahtah rïngkedh 1177 skïemtjehokseraeriej mietie (sveerjen- jallh englaantengïelesne/på svenska och engelska):
Vuertieh unnemes göökte dygnh mænngan starnih åvteli bååstide barkose jallh skuvlese vualkah. Maahtah barkose jallh skuvlese vuelkedh jalhts barre gossh jis tjïjhtje biejjieh vaaseme mænngan skeamtjoejih jïh ih leah guktie gænnah skïemtjes unnemes göökte dygnine orreme.
Voeresh stuerebe vaahresne ålvoeslaakan skeamtjodh. Datne gie voeresehoksesne barkh ih edtjh barkose vuelkedh jis domth guktie gænnah skïemtjes.
Vueptesth covid-19:n symtomide
Covid-19 skïemtjelassen symtomh leah evtemes vaejlie jïh gossehtahke. Aaj jis hapkesh, sovhtine, njuenie domhpene, tjovve bååktjege, åejjieh saejriedieh, gaksjehtasse, åedtjie- jïh lïhtsenaavlehts aaj daamhtaj symtomh. Jeenjemesh åadtjoeh lijnies vaejvieh mejstie buarenh. Naakenh åadtjoeh joekoen vaejvieh vuesiehtimmieh hïeteme jïh gåblojste. Jis naan dejstie symtovmh damth aellieh mubpieh dïervesjh.
Bïssh gïetide
Dah ïebnh mestie sohte laanestieh gaaje suetiedihks jïh aelhkieslaakan gïetide dabranieh. Dah vïjrebe laanestieh jis naakenen gïetem vaaltah. Dan gaavhtan edtjh gïetede bïssedh, tjoeline jïh baahkes tjaetsine unnemes 20 sekundh.
Iktegisth gosse gåatan jallh dov barkose båatah edtjh gïetide bïssedh, åvtelen byöpmedh, gosse beapmoeh jurjehth jïh mænngan ohtjegåetesne orreme. Gïetesprïjhte hijven jis ij tjaetsie gååvnesh gosse gïetide bïssedh.
Gïetesprïjhte
Jis ij tjoele jïh tjaetsie gååvnesh, maahtah gïetesprïjhtem nuhtjedh man unnemes 60 proseenth alkohovline.
Gossehth jïh gesnesth gïete-gaavese
Gosse gossh jïh gesnesth trahpetjh sohtine haasenieh maahta laanestidh. Jis gossh jïh gesnesth gïete-gaavese jallh paehperenjaamelijnien sïjse dellie suetiem heerh olles dov lïhkesvoetese haasene jallh dov gïetide dabrenh. Iktegisth edtjh paehpere-njaamelijniem haaskoelæhtan hajkelidh jïh gïetide bïssedh.
Aellieh tjelmide, njueniem jïh njaelmiem doehtehth
Suetie laaneste tjelmiej, njuenien jïh njaelmien njevlieskïelti mietie. Aellieh tjelmide, njueniem jïh njaelmiem doehth.
