Dïhte frijjes hokseveeljeme (Det fria vårdvalet)

Hoksem veeljedh jeatjah laantedigkesne

Dïhte frijjes hokseveeljeme lea:

• Datne gie jeatjah laantedigkesne årroeh — vuesiehtimmien gaavhtan dan sjïekine barkoeh, ööhpehtimmie, eejehtimmiegåetesne jallh maam akt — maahtah rihpes hoksem syökedh (dåektere, dajveskïemtjesåjhtere, skïemtjegymnaste j.j.) dennie laantedigkesne seamma vuekine goh Jïemhten lïenen laantedigkesne.
• Datne gie joe lea dov hoksedaarpoem Jïemhten lïenen laantedigkesne goerehtamme (vuesiehtimmien gaavhtan nyhtele- jallh gæjmijhoperasjovne) maahtah dam gïetedimmiem ohtsedidh jeatjah laantedigkesne. Dïhte medisijneles vuarjasjimmie Jïemhten lïenen laantedigkesne nænnoste jis datnem galka gïetedidh jïh guktie dah gelkieh datnem gïetedidh — maam maahtah veeljedh lea gusnie datne sïjhth gïetedimmiem darjodh. Jïemhten lïenen laantedigkie hoksemaaksoem maaksa mohte joekehtse lea gosse hoksegarantije dæjpa, ij naan jeatjah maaksoeh maeksieh. Datne åadtjoeh dellie fealadimmiem, årromem jïh jeajtah maaksoeh jïjtje maeksedh. Jis datne sïjhth nænnoestamme gïetedimmiem jeatjah laantedigkesne dellie datne åadtjoeh vaaksjodh jis nuepie lea dam desnie darjodh.

Modell över det fria vårdvalet
Nuepie jïjtje hoksem jeatjah sijjesne veeljedh — maam gohtje frijjes hokseveeljeme — ij hoksegarantijeste tsevtsieh.

Hokse jeatjah laantesne veeljedh

Jïjnjh ovmessie alternatijvh sveerjen otnegi gååvnesieh soejkesjamme hoksem åadtjoeh byjjes maaksojne jeatjah EU/EES-laantesne.

• Laantedigkie maahta patientem remitteredh jïh dan mænngan maaksa.
• Åvtelbodtiluhpie maahta staateste Försäkringskassan tjïrrh ohtsedidh. Maaksoem ajve vadta hoksese mij byjjes skïemtjehoksesystemisnie Sveerjesne gïetede jïh hoksevedtije edtja byjjes skïemtjehoksesystemisnie orre. Aaj edtja dïhte syökeme patiente ij maehtieh hoksem Sveerjesn åadtjodh dennie aejkiemïeresne mij sïejhme jis sov healsoetsiehkieh vuarjasjidh jïh guktie skïemtjelasse evtede.
• Patiente maahta jïjtje sov hoksem åestedh jïh dan mænngan maaksoem staateste syökedh. Nuepie hoksemaaksoem åådtje maeksedh lea seamma jis hoksevedtije lea private jallh byjjes. Tjuara byjjes skïemtjehoksesystemisnie Sveerjesne årrodh.
• Gosse guktie gohtje raasteskïemtjehokse Såevmesne jallh Nöörjesne lea nupie maaksoem Försäkringskassan luvhtie åadtjodh raasteskïemtjehoksenjoelkesassh viehkine.

Bïevnesh nuepiej bïjre dejtie gie lea reakta hoksese Sveerjesne hoksem ohtsedidh EU/EES jïh Schweizesne Försäkringskassan webbesæjrojne gååvnesieh. Desnie aaj tjåådtje guktie maahta åvtelbodtiluhpiem Försäkringskassan luvnie ohtsedidh, jïh aaj dah njoelkedassh maaksoem dan mænngan åadtjodh.

Jïjnjebh bïevnesh
Dov leah jïjnjebh gyhtjelassh veeljemenuepiej bïjre hoksesne Sveerjesne maahtah ringkedh
Sjukvårdsrådgivningen telefovne 1177.
Jïjnjebh bïevnesh hoksen bïjre jeatjah laantine gååvnesieh Försäkringskassas webbesijjesne.