Syökedh jallh sijjiem nihtelidh

Syökemem jïh öörnegem

Maanah jaepide 1-12 gusnie daerpiesvoetem hoksehtimmeste utnieh edtjieh golme askine syökemen männgan sijjem såemies tjïelten aarhskuvlide/eejehtshïejmide faaledh jallh pedagogihken hoksesne(biejjiemaanasåjhtoem). Syökemem maehtieh lihkemes 6 ask laehpedh eannan öörnege- daatoem mij vaajtelamme.

Datne maahtah mijjen e-dïenesjen tjïrrh e-dïenesjem syökedh e-tjänst. Datne mij ih nuepiem åtnah e-tjirkemem nuhtjedh maahtah goerem: Syökemem tjïelten maanahoksese dïevhtedh jïh dajve dåastoevasse seedtedh. Dïhte lea maanan åelie mij sijjen mietie syökoen jïh sijjieutnijem sjädta. Gåabpegh åelide dïedtem utniejägan ihke maanahokseåasam maeksedh.

Gåessie datne öörnegem meateme datne seamma aejkesne dåhkesjehta tjïelten maanahoksenjoelkedasside jïh aaj ahte almetjebyjjehtimmide gïetedallien guktie Daatalaakesne jïh Almetjebyjjehtimmielaakesne tjåådtje.

Bäjhkoehtimmiem juakeldh sijjen bïjre

Jis dåtnoeh mah maanan åelieh lägan bene eakan seamma gåetieguntiem utniejägan, bene seamma såjhtoem, maehteden gåabpegh öörnegeutnijh årrodh jis gåabpatjahkh maanahoksem nuhtjien. Dåtnoeh fïereguhte reeknegem åadtjoden mij fïereguhte gåetieguntien åasamaadthbaalhkijste ryöknoen. Dåtnoeh juakeldh maanahoksesijjiem daennie goeresne bäjhkoehtidien. Gåabpegh nommide tjaelien jïh Maana- jïh ööhpehtimmiegoevtesasse seedtien.

Veeljemem aarhskuvleste/eejehtshïejmeste jïh vuerpienjoelkedassh

Dov syökemisnie datne maahtah golme molsehth vaajtelimmien mietie aarhskuvlese/eejehtshïejmese tjaeledh. Eannan golme askh vaaseme miereste dov syökemem sijse båateme dah sijjem faalien. Mijjieh barkeminie ihke vuejnedh ahte dov voestes vaajtelimmiem åadtjoeh, jis sijjem gååvnese. Jis datne aktem sijjem faalen mij ij sjeahta dov voestes vaajtellämman mij syökemisnie lea, datne maahtah jis faalaldahkem meatah jallh ijje, veeljedh aajmone vuerpesne tjåadtjodh. Datne vuerpesne tjåadtjoen voestes vaajtelimmesne jïh syökemedaatoem aajmone åtnah.

Jis datne voestes vaajtelimmiem faalen, bene ijje gäjhta, datnem vuerpeste vaeltien. Jis orre sijjem vaajtelh edtjh datne orre syökemem laehpedh. Jis datne sirtemem tjïeltesne vaajtelh edtjh datne aktem orre syökemem dajvedåastoevasse seedtedh.

Åvtevåaroe

Daelie ij gååvnese naan vuekiem åvtevåarose maanahoksese Krokomen tjïeltesne.

Maanahoksesijjeste nihtelidh

Jis ih vielie maanahoksem daarpesjh edtjh datne aktem tjaaleldh nihtelimmiem laehpedh. Dam datne maahtah e-dïenesjen e-tjänsten jallh goeren tjïrrh darjodh.

Nihtelimmiem aarhskuvlese/eejehtshïejmese jallh dajvedåastoevasse laehpien. Nihtelimmieboelhkem göökte askh lea jïh ryöknoen biejjeste nihtelimmiebyjjespaehperidie sijse båateme. Nihtelimmieboelhkesne maaksomedïedtem utnien.

Jis datne sijjem nihtelamme datne maahtah orre sijjem syökedh voestegh männgan nihtelimmieboelhkem vaaseme.

Gåessie aktem maanam sijjem aarhskuvleste don eejehtshïejmese målsa juhtemem jïjtsistie darjoen, jis sïjhtien.

E-maanahoksem

Datne maahtah syökedh jïh maanahoksesijjem nihtelidh, jïh aaj baalhkabyjjehtimmiem jïh täjmoeplaanem laehpedh mijjen e-dïenesjen tjïrrh. Gaajhkide mah krïeven lea aktem e-legitimasjovnem mij gååvnese baanghkijste veedtjedh.

E-legitimasjovnine datne maahtah Mov säjrojde tjaangedh jïh vuelietjaeliestidh dah byjjehtimmieh datne sïjhth tjïeltese seedtedh. Lohkh jienebh guktie veedtjh jïh e-legitimasjovnem nuhtjh, säjrosne e-legitimasjovnen bïjre.

E-dïenesjasse jïh Mov säjrojde

Jis ih datne nuepiem åtnah mijjen e-dïenesjem nuhtjedh datne linghkem goeride åelkiesbielesne gaavnh.