Aarhskuvleklasse

Aarhskuvleklasse lea jïjtjesyjhtehts skuvlehammoem govhte jaepien båeries maanide. Dïhte edtja fïerhtene maanide öövtiedimmiem jih lïeremem skreejredh jih aaj maadtoem bïejedh jåerhke skuvlevaedtsemasse. Tjïeltesne gaajhkide govhte jaepien båeries maanide aarhskuvleklassem faelieh tjaktjeboelhkeste gåessie maana govhte jaepien båeries illie, unnemes 525 täjmoeh jaepesne. Ööhpehtimmie aarhskuvleklassesne åasehts lea. Aarhskuvleklasse seamma boelhkejuekemem jih seamma ejehtallemebiejjh åtna goh maadthskuvlem. Learohkidie aarhskuvleklassesne tjïelten skuvleskovhtem njoelkedasside dïedteme.

Syökemem/Tjaalemem

Goh åeliem datne maahtah veeljedh jis dov govhte jaepien båeries maana edtja aarhskuvleklassesne aelkedh jallh maadthskuvlese tjaeledh. Fïerhten gïjren akten faalaldahkem  aarhskuvleklassen bïjre olkese gaajhkide govhte jaepien båeries maanide seedtien. Dov maana sijjem skuvlesne faalen mij lihkemes hïejmem lea. Datne aaj gyhtjelassem åadtjoeh jis maana aaj sijjem eejehtshïejmesne.

Aerebe skuvleaalkoem

Eejhtegh mah vaajtelieh ahte dej govhte jaepien båeris maanam, edtja skuvlesne aelkedh sijjeste aarhskuvleklassem, edtjijägan byjjehtimmiem jih vaajtelimmiem skuvlen bïjre laehpedh seamma guktie tjïjhtje jaepien båeries maanaj eejhtegh. Dah govhte jaepien båeries maanah mah skuvlesne aelkieh, ööhpehtimmesne vaedtsieminie seamma goh tjïjhtje jaepien båeries maanide. Goerem bäjhkoehtämman rektovren luvnie gååvnese.