Veeljemem hïejmedïenesjisnie – LOV

Krokomen tjïelte lea nännoestamme ahte jïjtje veeljemem hïejmedïenesjisnie nuhtjedh guktie laakesne Lag om valfrihetssystem (LOV) tjåådtje, golken 1 biejjiem 2010 raajeste.

Mij LOV lea?
LOV lea ahte datne mij hïejmedïenesjem tjielteste laevehtamme maahtah veeljedh gie edtja barkoem darjodh. Datne veeljh barkijijstie mah tjïelte dååhkasjehteme. Tjïelten hïejmedïenesjem seamma krïebpesjh goh dah privaten barkijh utnieh.

Datne maahtah barkiji gaskoeh veeljedh gåessie tjïelte dejtie dååhkasjehteme ihke åadtjoeh hïejmedïenesjem laehpedh. Barkijem akten tjevties maaksoem tjïelteste åadtjoeh, fïereguhte täjmose  mij laevehtamme.

Guktie åasam tsevtsen?
Åasam ryöknoen jih debiteren Krokomen tjïelteste seamma gie barkije lea. Sïjhth datne jienebh dïenesjh mah eah leah viehkienännoestimmesne ( Sol kap.4 §1), lissiedïenesjh, datne dejtie riekte don barkijasse maaksah.

Mij barkijistie kreava?
Akten vihkeles krïevem lea ahte barkijem barkijh åtna mah maahtoem utnieh, mij ööhpehtimmiem barkojde utnieh jallh jeatjahlaakan, guktie tjïelte dååhkasjehta, buerie maahtoem barkojde åådtjeme.

Mij deahpede tjïelten hïejmedïenesjigujmie?
Tjïelten hïejmedïenesje aajmone lea, seamma krïebpesjigujmie goh dah privaten barkijh.

Guktie manne barkijem veeljem?
Tjïelte bïevnesh faala gaajhkide barkiji bïjre, dah privath jih tjïelten. Tjïelte ij åadtjoeh naan barkiji bïjre raeriestidh. Jis ih datne sïjhth barkijem veeljedh datne åadtjoeh barkijem mij daaletje lea goh ijjeveeljemealternatijvem. Ijjeveeljemealternatijvem barkiji gaskoe bieliejaepesne molse.

Gie daaletje barkijh leah?
Barkijidie lea hoksehtämman- jih/jallh hoksedïenesjidie dååhkasjahteme jih ovmessie dajvide berkieh. Daesnie tjaaleldh barkijh tjåådtje mah dååhkasjehteme:

• Kommunens hemtjänst hoksehtimmiem jih hoksem abpe tjïeltesne laahpa
• Dalco Hygien AB hoksehtimmiedïenesjh abpe tjïeltesne laahpa
• Storåbrännas Bykooperativ
  hoksehtimmiem jih hoksem Storågaertenisnie laahpa
• Elinas Allservice lhoksehtimmiem Krokom-jih Näldenesne laahpa
• SRL Assistansservice hoksehtimmiem Krokomen hïejmedïenesjedajvesne laahpa
• Nattens Änglar hoksehtimmmiedïenesjh Krokomesne laahpa
• Kooperativet Hotagsfjärden hoksehtimmie jih hoksem Rötvikenisnie jih voenide daennie dajvesne
• Forsåsens Allservice hoksehtimmiedïenesjh Krokomesne, Offerdalesne jih Näldenesne laahpa
• Jämtpuls AB hoksehtimmie jih hoksem hïejmedïenesjedajvide Krokomesne jih Näldenesne laahpa

Noerhtene dajvijstie mijjen tjïeltesne göökte barkijh gååvnese: Hotagsfjärdens kooperatijve mij hïejmedïenesjem Hotagendajvesne darjoen jih Storågårdens kooperatijve mij hïejmedïenesjem Storågaertenisnie darjoen.

Sïjhth datne vielie daejredh, dov lea gyhtjelassh?
Vuartesjh gaskesadthbïevnesh åelkiesbielesne.