Aajhtseme sjædtoeh jïh juvrh
Lïeneståvroe barka lïenen aarvoes sjædtoeh jïh juvrh gelkieh gorredidh. Mijjieh darjobe darjomeprogrammh guktie aajhtseme juvre- jïh sjædtoearth vaarjelidh.
Arth maehtieh vaarjeldh sjidtieh
Jis akte arte lea vaarjeldh sjïdteme dellie ih datne åadtjoeh sjædtoem jallh juvrem tjåegkedh, tjöönghkedh jallh leajmoedidh. Jïjnjh arth lea aaj nihteme dej jielemebyjresh leajmoedidh. Aajhteme arth dennie guktie gohtje rööpseslæstosne biejesåvva. Dïhte lea ArtDatabanken mij Naturvårdsverk:en stilleminie Sveerjen rööpseslæstoem dorje. Ij dïhte automateles vaarjelimmiem vadta, mohte lea vihkeles signale dan bïjre arten jielemebyjresem byöroe vaarjelidh jallh gorredidh.
Vaarjeldhnjoelkedassh kapitelisnie 8 miljöbalm:esne gååvnesieh (SFS 1998:808) jïh skyddsförordning:esne (SFS 2007:845). Bieljeldh lïeneståvroem jis datne sïjhte dispensem dehtie vaarjeldhnjoelkedassijste ohtsedh.
Naturvårdsverk:en lea jienebh bïevnesh vaarjeldh sjædtoej jïh juvri bïjre.
Aajhteseme arth åadtjoeh råajvarimmieprogrammem
Lïeneståvroe sjïere råajvarimmieprogrammh buakta aajhteme arti gaavhtan (ÅGP) gosse ij ryöhkh dejnie barkojne goh reservaatetseegkeminie jïh byjresedåarjojne jåartabåarran. ArtDatabanken analysere mah arth mej lea stööremes daarpoem råajvarimmieprogrammeste, jïh Naturvårdsverke nasjovnellen råajvarimmieprogrammide iktede. Lïeneståvroe stoerre bieliem barkoste dorje, dovne programmem buakta jïh ovmessie vaarjelimmiedarjomh tjïrrehtidh.