Vaarjelimmie eatneme 

Gååvnese ovmessie vuekieh eatnemem vaarjele, jïh byjresebalken mietie lïeneståvroe maahta vuesiehtimmien gaavhtan eatnemereservaath jïh ledtievaarjelimmiedajvh tseegkedh. Mijjen dïedtie aaj eatnemereservaath, åålmegemiehtjieh jïh baalkah vaerine geehtedh jïh reeredh.

Åålmegemiehtji lea nænnoesommes vaarjelimmie

Åålmegemiehtjie lea stuerebe vijries dajve joekoen laantesåarhteste maam vaarjele dan iemie hammosne. Åålmegemiehtjie lea nænnoesommes vaarjelimmiehammoe. 

Eatneme- jïh kultuvrereservaati leah jïjnjh åssjelh

Eatnemereservaate lea sïejhmemes hammoe eatnemedajvh vaarjele, jïh dah maehtieh tseegkedh juktie biologijen gellielaaketjh gorredidh, juktie vihkeles eatnemebyjresh geehtedh jïh gorredidh jallh juktie dåastohte daarpoem dajveste ålkoejielemasse. Kultuvrereservaate lea plearoeh vaarjelimmiehammoe, jïh daam maahta tseegkedh juktie kultuvrevïhtesjimmie byjresem vaarjelidh. 

Natura 2000 abpe EE:sne gååvnese

Natura 2000 lea viermie vihkeles eatnemedajvijste EE:sne. Åssjele lea dah aarth jïh jielemebyjresh gorredidh mij lea EE-laantij tjåenghkies iedtjh. 

Eatnemen jienebh vaarjelimmie

Jeatjah sjyöhtehke vaarjelimmiehammoeh leah vusiehtimmien gaavhtan juvre- jïh sjædtoevaarjelimmiedajve, gaedtievaarjelimmiedajve, tjaetsievaarjelimmiedajve, eatnememojhtese jïh biotopevaarjelimmiedajve.

Vaarjelamme dajvh ovmessie vuekine reeredh

Lïeneståvre jeenjemes lïenen eatnemegeehtemeobjekth reerie, mohte reeremem maehtieh aaj tjïelth, stiftelserh jïh Skåajjeståvroe gïetedidh.

Giesie- jïh daelvielaajroeh leah vihkeles vaerine

Lïeneståvroe aaj reerie stoerre bielieh staaten eatnemistie vaerine, jïh mijjen dïedte lea staaten laajroeh pruvviejgujmie, suajadahkh jïh giesie- jïh daelvielaajrojde tsïeglesjidh. Dah laajroeh leah vihkeles vaeriejearsoesvoetese jïh guktie dah guessieh eah prååsehke dajvh leajmodh.