Juvreskryjjeme
Lïeneståvroe barka jïjnjh gyhtjelassigujmie juvreskryjjemen bïjre. Mijjieh vaaksjobe primæreproduksjovnem jïh juvrestaellieh krievemh buerie juvrebyjrese dievhtieh. Mijjieh luhpiem vadtebe ovmessie darjomidie juvrigujmie.
Juvrh voenesne beapmoehprodusjovnese lissiehtieh mohte aaj nuepiem vadta motsjovnese jïh rekreasjovnese. Juvrh aaj gåaetoeh jïh biologijen gellielaaketjasse evtiedieh jïh tjaebpies byjresasse. Juvreskryjjeme daennie vuekesne barkoesijjieh skaepede dovne staaresne jïh voenesne, ovmessie suerkine goh jåartaburrie, beapmoehindustrije jïh turisme.
Åvtelpryövome juvrestaellijste
Djurskyddslagen jeahta guktie juvrestaellie galka vååjnedh. Mijjieh tjaeliestimmieh ovmessie staelliebigkemijste gïehtedibie åvteli dejtie bigkedh juktie vaaksjobe dah leah djurskyddslagen krievemi mietie.
Primæreproduksjovne bårremem jïh beapmoeh
Juktie juvrh, jïh minngemes aaj mijjieh almetjh, edtjieh hijven jieledh lea vihkeles bårremem juvride vihties vuekine darjodh, gïetedidh, våarhkodh, seedtedh jïh utnedh. Dïhte guktie gohtje primæreproduksjovne lea voestes lïhtse beapmoehværjesne. Vuesiehtimmieh primærproduksjovne lea muerjieh jïh kruanasaath sjïdtehtehtedh jïh tjöönghkedh, goernh jïh kruepiesbårremh, juvrh eeledh jïh buhtjedh. Primæreproduksjovnem vååksje jïjnjh lïhtsine lïeneståvroste jïh Jordbruksverke:ste. Gaajhkh tseegkeldahkh gusnie primæreprodusjovne gelkieh tjaalasovvedh, jïh njoelkedassh gååvnesieh mah daalhkesh, genmodifieringh jïh jienebe mah dåhkasjehteme.
Luhpie ovmessie darjomidie juvrigujmie
Jis låhkoem juvreektievoeth produksjovnesijjesne lea jienebe goh 100 galka dam tjïeltese bievnedh. Juvreektievoeth 400 jallh jienebe juvreektievoetigujmie luhpiem lïeneståvroste daarpesjieh. Juvreektievoeteh ryöknie förordningen (1998:899) om miljöfarlig verksamhet och hälsoskydden mietie.
Mijjieh luhpiem vedtebe jeatjah darjomidie juvrigujmie vuesiehtimmien gaavhtan bïenjegïerth jïh rijremeskuvlh.