Juvlemh
Lïeneståvroe vååksje almetjh gieh eah leah lïhtsegh Sveerjen gærhkosne aaj maehtieh vyörtegs vuekine juvledh. Mijjieh aaj maehtebe luhpiem vedtedh sealadamme almetjen govnh heesedh.
Juvlemesaadthålma jïh juvlemesijjieh
Daamhtaj lea akte jallh jienebh åålmegh mej dïedte lea juvlemesijjieh öörnedh. Lïeneståvroe neebnie saadthålmam mij galka åålmegem gïehtjedidh jïh vuartesje dah gieh eah leah Sveerjen gærhkosne meatan åadtjoeh juvledh vuekesne mij dejtie sjiehteles. Saadthålmah vaaksjoeh vuesiehtimmien gaavhtan juvlememaaksoem jïh guktie juvlemesijjiem hammoedidh.
Jis datne sïjhth daejredh gie lea juvlemesaadthålmine gusnie datne årroeh maahtah dov åålmegasse jallh lïeneståvrose bieljielidh.
Govnh heesedh
Jis datne sïjhth govnh heesedh åemie-almetjen mænngan såemies jeatjah sæjjan goh juvlemesæjjan datne tjoerh luhpiem åadtjodh lïeneståvroste lïenesne gusnie datne sïjhth govnh heesedh. Mijjieh maehtebe barre luhpiedidh govnh heesedh gosse naan sealadamme. Ij maehtieh luhpiem åvtelhbodti ohtsedidh.
Lïeneståvroe juvlemegyhtjelassh pryövedh
Såemies aejkien deahpede fuelhkieh åemie-almetjen mænngan eah siemedh juvlemen bïjre jïh dïhte åålmege jallh tjïelte mij juvlemebarkoem gïetede ij maehtieh dejtie sïemedidh. Dellie maehtieh gyhtjelassem buektedh lïeneståvrose mij dam pryövoe. Datne maahtah aaj mijjen luvnie båetedh jïh njååhtjedidh mieriedimmiem reaktan bïjre kraavesæjjan jallh jis sïjhth juvlemebaatsehts jallh govnh juhtedh.