Beetnegh deponeredh
Lïeneståvroe maahta dov beetnegh deponeredh sjïere kontosne, dïhte sæjhta jiehtedh vaeltedh jïh våarhkodh beetnegh mah datne edtjh guhtese maeksedh.
Leejjememaaksoem deponeredh
Gosse gåetiem leejjedh maahtah såemies aejkien leejjememaaksoem vaeniedidh jïh dam bieliem depnoeredh lïeneståvrosne, vuesiehtimmien gaavhtan jis mïelh dov lea reakta dov leejjememaaksoem vaeniedidh dan gaavhtan fïejlh gååvnesieh dov leejjemegåetesne. Jis idien leejjememaaksojne sïemedh. Dïhte mij lea hijven leejjememaaksoem lïeneståvrosne deponeredh jis mohtedh ih dam maeksieh, dellie dov gåetieiemie ij maehtieh jiehtedh leejjemereaktam orrijidh. Datne ih tjoerh juhtedh juktie lejjemereaktam orrije dan gaavhtan datne ih leah maakseme. Mohte leejjemereakta maahta orrijidh jis datne dan stoerre bieliem leejjememaaksoste deponeredh, vuesiehtimmien gaavhtan abpe maaksoem jis ih barre akte tjïehtjelem golmetjïehtjelegåetesne maehtieh nuhtjedh. Leejjemereaktam aaj orrije jis datne beetnegh deponeredh minngemes maeksemebiejjien mænngan.
Arrendem deponeredh
Goh arrendatorijinie datne maahtah såemies aejkien arrendemaaksoem vaenieidh jïh dam maaksoem lïeneståvrosne deponeredh. Dïhte maaksoe tjuara seamma stoerre goh vierhtiem maam datne mïelh dïsse dov lea reakta. Dïhte maahta vuesiehtimmien gaavhtan lea dan bïjre datne mïelh dov lea reakta maaksoem åadtjodh skaaren åvteste jallh ih eakerem sïemedh man jïjnh edtjh maeksedh. Dïhte mij lea hijven arrendemaaksoem lïeneståvrosne deponeredh jis mohtedh ih dam maeksieh, dellie dov jåartaeakere ij maehtieh jiehtedh arrendereaktam orrijidh, jïh datne reaktam sæjjan dassedh. Mohte arrendereakta maahta orrijidh jis datne dan stoerre bieliem arrendemaaksoste deponeredh, vuesiehtimmien gaavhtan abpe arrendemaaksoem jis ajve göökteluhkiebieliem arrendesijjien jåartijste lea vyjreme. Arrendereaktam aaj orrije jis datne beetnegh deponeredh minngemes maeksemebiejjien mænngan.
Vihtiesvoete åadjodh deponeredh
Juktie datne goh leejjemeguessien jallh arrendatorijinie galkh beetnegh deponeredh lïeneståvrosne datne tjoerh vihtiesvoetem buekteh hammoesne pantine jallh borgengaskesinie. Vihtiesvoete galka gaptjedh reaktaaamhtesemaaksoem jïh seenterenterh jïh leejjemeiemie jallh jåarteeakere dåapmestovlen mietie reaktam åådtje dah deponereme maaksoem.
Maaksoe jis aktierh noerhken åasteme
Gosse aktierh sjïdtin noerhken åasteme maahta ovtjïelkes gien jallh giej leah, jallh dah aktieeakerh eah sïjhth maaksoem vaeltedh (vierhtiem dehtie aktierijste). Dellie maahta maaksoem lïeneståvrosne deponeredh, mij lea ”nedsättning av lösenbelopp”. Juktie datne goh aktieeakarinie dan mænngan edtjh maehtieh bieliem maaksojste åadtjodh datne aktieprieviem jallh vierhtiepaehpereavijnem mijjese seedtedh.
Våålesebiejeme beetnegijstie reeremisnie såemies aejkien
Jis datne giem akt lååjkedh maahtah såemies aejkien beetnegidie lïeneståvrosne deponeredh. Dïhte lea gosse datne ih daejrieh giem edtjh maeksedh jallh jis dïhte giese datne edtjh maeksedh nyöjhkedh dejte vaeltedh. Dov laajkoem lea dellie maakseme jis naan njoelkedassh laaken mietie lea dorjeme.