Mïrrestalleme
Lïeneståvroe barka mïrrestalleminie lïenesne dehtie reerenassen nasjovnellen mïrrestallemepolitihkeste.
Dïhte nasjovnellen ulmie lea nyjsenæjjaj jïh ålmaj lea seamma faamoe sïebredahkem hammoedieh jïh dej jijtje jïeledh. Guktie dejtie jaksa lea reerenasse njieljie guhkiem bielieulmieh nænnosti mïrrestallemepolitihkese.
- Seammaligke vuekine faamoem juekedh. Nyjsenæjjaj jïh ålmaj seamma reaktah jïh nuepieh aktijveles otnegh årroeh jïh tsiehkieh hammoedieh guktie mieriedieh.
- Ekonomeles mïrrestalleme. Nyjsenæjjah jïh ålmah edtjieh seamma nuepieh jïh tsiehkieh utnedh gosse ööhpehtimmie jïh maakseme barkoe mah vedtieh ekonomeles jïjtseraeremem able jieledisnie.
- Ålmaj irhkeme nyjsenæjjaj vööste galka orrijidh. Nyjsenæjjah jïh ålmah, nïejth jïh baernieh, edtjieh seamma reaktah utnedh jïh nuepieh kråahpen integritetese.
Mïrrestalleme nyjsenæjjaj jïh ålmaj gaskem skaepede gusnie mieriedamme, vierhtieh juekedh jïh normh skaepiedidh, jïh dan gaavhtan tjuara mïrrestallemeperspektijve biejjieladtje barkosne gååvnese. Dïhte lea gaajhkh politihken mieriedimmieh mah indivijdem dæjpa gelkieh tjoevkedh, analyseredh jïh kröökedh nyjsenæjjan, ålmaj jïh nïejti jïh baerniej tsiehkieh.
Lïeneståvroen laavenjasse dåårje tjïelth, staaten darjomh jïh jeatjah regionalen aktöörh barkosne sov darjomidie mïrrestalledh. Mïrrestalleme-integrerimmie lea dïhte voestes strategije maam utnieh ulmide jaksedh. Strategije lea sjïdteme tendensen vööste mirrestallemgyhtjelassh jeajtah politihken gyhtjelassi jïh darjomi dueksne jallh baalte.