Notarius publicus
Lïeneståvroe guktie gohtje notarius publicus muana, aktegh almetje gien barkoe åålmegem viehkiehtidh ovmessie bïevnesh vaaksjodh jïh dej riektiesvoetem jååhkesjidh. Nomme lea latijnegïelesne jïh jis jarkoste delle sjædta medie ”byjjes tjaelije”.
Notarius publicusen barkoe maahta tïjjegaertjiedimmie jïh lïeneståvroe jeahta mij geografijhkeles dajve, daamhtaj tjïeltesne, gusnie almetje galka sov barkoem darjodh. Dïhte åadjoeh sov dajven ålkolen aaj barkedh.
Datne edtjh juristeeksamenem tjïrrehtamme jis maahta notarius publicusem sjïdtedh. Ih datne åadtjoeh kunkursesne jallh förvaltarem utnedh.
Maam notarius publicus dorje?
Notarius publicus edtja vuesiehtimmien gaavhtan åålmegem viehkiehtidh
- nommenualantjaalemem, jarkostimmieh jallh jeatjah barkoem maam tjaatsegi sisvegidie dæjpa nænnoestidh
- vihtenje årrodh gosse våarhkoetjïehtjelem rihpestidh jallh gaptjedh, jallh gosse steegkemh dïsse biejedh jallh destie vaeltedh
- lotterijegiesemh vaaksjodh
- jååhkesjidh naan åadtjoeh såemies darjomh darjodh, jallh naan lea maahtoe jïh dïenesjesijjie naan jeatjaj sijjiesadtje årrodh.