Veeljeme
Lïeneståvroe lea regionale veeljemereereme. Dïhte lea mijjen dïedtesïejhme veeljemh ryöjredidh jïh tjïrrehtidh, veeljeme Europaparlamentese jïh raerievadteme nasjovnellen åålmeh-tjaatsestimmieh.
Veeljemen åvteli
Lïeneståvroe mierede guktie veeljemegievlieh jïh veeljemedajve gelkieh juekedh. Mijjieh aaj mieredibie staeriedimmiej bïjre gïelelåhkosne. Lïeneståvroe dåastoe gaajhkh veeljemeleahpadængkomh jïh bievnemh kandidaatij bïjre mah edtjieh partijij veeljemeleahpine tjåadtjodh.
Veeljemejïjjesne
Mijjen dïedte lea veeljemejïjjereekteme, mij jeahtah dah ovmessie veeljemedajvh sov gïeleresultaath mijjese reektedh veeljemejïjjesne. Gosse mijjieh libie bïevnemidie vååksjeme dah Valmyndigheten tjaeliesuvvieh mij resultatem webbesæjrosne vuesehte. Avijsh, radio, tv, webbe jïh jeatjah saerniehvedtijh dejtie bïevneside dej preliminæren veeljemeresultati bïjre Valmynighet:este veedtjieh.
Ryöktesth veeljemen mænngan
Mijjieh minngemes ektieryöknemem darjobe gaajhkine veeljeminie. Dïhte lea mijjieh
- veeljemejïjjen resultatem tjetskedh
- gïelh mah miste lea gïehtjedidh
- gïelh juekedh ovmessie veeljemeleahpasåarhtide
- persovnegïelh ryöknedh
- lïhtsegh jïh dej sijjiesadtjh moenedh laantedigkie- jïh tjïeltereeremidie.
Veeljemi gaskem
Veeljemi gaskem mijjieh moenebe dah gieh mænngan båetieh dejtie lïhtsegh jïh sijjiesadtjh laantedigkie- jïh tjïeltereereminie mah mandateboelhkem orrijidh.
Jeatja laavenjasse lea dah tjïelten veeljememoenehtsh ööhpehtidh veeljemi åvtelen jïh dan mænngan dejtie raeriestidh jïh viehkiehtidh guktie veeljemem maehtieh tjïrrehtidh laaken mietie jïh vihties vuektine.
Aaj maahta lïeneståvroe lissieveeljemem tjïrrehtidh jïh åålmeh-tjaatsestimmieh åenehks tïjjesne jis reerenasse dam sjæjsjale.