Beetneh-bïsseme 

Lïeneståvroe vååksje sïelti lea nuekies njoelkedassh guktie beetneh-bïssemem jïh terrorismen finansieremen vööste barkedh.

Beetneh-bïsseme

Beetneh-bïsseme lea gosse beetnegh båetieh kriminellen darjomistie jeatjahdehtieh vierhtide mah maehtieh gaahpoeh vuesiehtidh. Dïhte lea vuesiehtimmien gaavhtan beetnegh narkotikamiedteste, traffikkeme, almetjijåhtemh, skaehtiemiedteste, biehtemh jïh rebpieldimmieh.

Terrorismem finansiereme

Terroristmefinansiereme lea ekonomeles vuekesne terrorismem dåarjodh. Ij leah ajve ryöktesh dåarjoejgujmie mohte aaj beetnegh tjöönghkedh jallh beetnegh jallh vierhtieh dåastodh mah edtjieh terrorismem finansieredh.

Lïeneståvroen dïedte

Vaaksjome beetneh-bïssemen vööste jïh terrorismem finansieremen vööste lea lïeneståvroe fysihken jïh juridihken persovnh goerehte gie 

• darjomh fassieh mij lea vuesiehtimmieh jïh revisjovne, mohte eah auktorisereme jallh dåhkasjehteme revisorh jallh tseegkem revisjovnebolagh
• darjomh fassieh skaehtieraerijinie
• darjomh fassieh mij jeatjah juriste gosse dah muvhtene gåetien jallh sïelten åastemem jïh doekemem viehkiehtidh. Daate ij dijph biträdande juristh jïh advokaath advokaatesïeltine 
• darjomh fassieh mij doekemem jïh raeriestimmiem sïeltem aelkiestidh
• darjomh fassieh mejnie vååregh doekedh beetnegijstie mah leah unnemes 15 000 euro fïerten transaksjovnesne.

Aaj filialh Sveerjesne ålkoelaanten juridihken persovnidie åejviekontere ålkoelaanesne vaaksjome dæjpa. Dah leah meatan Lïeneståvroen Stuehkien lïenen vaaksjomisnie.

Bolagsverket:se tjaalasovvedh

Sïelth jïh almetjh mah joekoen darjomh juhtieh (vuejnieh dan bijjelen) lååjkes Bolagsverken beetneh-bïssemeregisterasse bievnieh. Nuhtjh blankettem Anmälan till registret mot penningtvätt, nr 705 gosse registerasse bievnh.

Finansepolijsese reektedh

Sovmeme beetneh-bïssemem edtja Finanspolis:ese reektedh. Jienebe bïevnesh guktie dam edtja darjodh, bieljelh Finanspolisen telefovnenummere: 08-401 38 00.