Båatsoeburrie 

Lïeneståvroen reerie jïh dan dïedte laante vaeriedajvh. Mijjieh lïhke laavnjostoe sïjtigujmie, vuesiehtimmieh gaavhtan vaejsjieinventeremh, sïebredahkesoejkesjimmie jïh registereåtnoe. 

Sveerjesne lea 51 sïjth, skåejjiesïjth, vaeriesïjth jïh konsesjovnesïjth. Båatsoesaemiej lea båatsoereakta medtie 40 prosenth laanteste. Lïeneståvroe edtja skreejredh båatsoen evtiedimmie, gaskem jeatjebem evtiedimmieprosjekth dåarjodh jïh båatsoen iedtjh vaaksjodh sïebredahkesoejkesjimmesne. 

Mijjen vihkelommes barkoe båatsosne lea

  • bijjemes båatsoelåhkoem mieriedidh mij fïerhten sïjte åådtje utnedh jïh gïehtjedidh dam dåerede
  • Vaaksjodh sïjth eatnemehoksem jïh kultuvrebyjreshoksen iedtjh krööhkestieh
  • Båatsoen rïjhkeiedtjh sïebredahke- jïh byjresesoejkesjimmesne vaaksjodh
  • Iktedidh jïh orrestidh båatsoen buerkiestimmieh eatnemeåtnoste 

Tsiengelen 1. b. 2007 Saemiedigkien muvhth laavenjass mah laantedigkie aerebi gïetedamme, vuesiehtimmien gaavhtan mïerhkh jïh sïjteraasth. Jienebh bïevnesh gååvnesieh www.sametinget.se

Vaeriereereme

Åejviebieliem laanten doedteristie lea Norrbottenisnie, Västerbottenisnie,  Jämtlandesne jïh Dalarnisnie – bijjeles-gietjie mij lea lïhke tjïjthje miljovnh hektarh. Lïeneståvroe staaten eatnemem reerie odlingsgränsen bijjelen jïh dan dïedte staaten baalkah pruvvine, bïegkesuajadahkh jïh daelvie- jïh giesiebaalkah tsïeglesje. Dah baalkah lea vihkeles vaerievihtiesvoetese jïh dan gaavhtan guessieh eah edtjh dajvide leajmoedidh. Mijjieh aaj luhpiem vedtebe onnevijrevijremasse jïh göölemasse vuesiehtimmien gaavhtan vijreme- jïh göölemekåarhth doekebe. Mijjen lea aaj eatnemehoksevaeptieh mah vaeriereservaatide vaaksjoeh jïh dah stoerre vaejsjieh inventerieh jïh vaaksjoeh. 

Lïenståvroen barkoeh vaeriereereminie 

  • vijreme- jïh göölemereaktah juaka
  • göölemehoksem jïh vijrehoksem gïetede
  • eatnemereservaatide reerie
  • reaktaj jïh skåaltoej bïjre beavna
  • gåetieh jïh pruvvieh vååksje
  • tseegkeldahkh hokse 

Mijjen reeremem jïh vaaksjomem njoelkedassijste miljöbalken (SFS 1998:808), rennäringslagen (SFS 1971:437) jïh rennäringsförordningen (SFS 1993:384) mietie stuvrieh, mohte aaj jeatjah laakij mietie.