Stiftelsh 

Lïeneståvroe lea vaaksjomereereme dejtie stiftelsidie mah lïenesne gååvnesieh jïh mijjen dïedte lea dejtie registreredh.

Mij lea stifelse?

Stiftelse lea jïjtjeraerehke jeeluve mij gïetede nænnoestamme ulmiem, jïh dam tseegkieh dan tjïrrh beetnegh vadteseprievine vadta, testamenesne, ståvroereektesne jallh seammaleejns. Ståvroe jallh gïetedæjjan dïedte beetnegidie stuvredh. 

Laake njieljie ovmessie stiftelsehaamojde stuvrie:

  • daamhtaj stiftelsh
  • tjöönghkemestiftelsh
  • kollektijvesjïehtedimmiestiftelsh
  • voeresebeetnegh- jïh barkijestiftelsh 

Kapitelen 10 stiftelselagen (SFS1994:1220) mietie galka gaajhkh stiftelsh tjaalasovveme, mohte eah dah stiftelsh mah ajve åådtje nuhtjedh nænnoestamme almetjasse/almetjidie. Voerese- jïh barkijestifteslh edtjieh tryggandelagen (SFS 1967:531) mietie åålegh bievnedh lïeneståvrose vaaksjomen åvteste, dïhte registerem tjaalasåvva dejtie stifelsidie.

Dåarjoem stiftesistie ohtsedh

Jis datne sijhth dåarjoem jallh stipendiem stiftelsistei datne ohtsemem ryöktesh aktuellen stiftelsasse seedth.

Lïeneståvroen database gusnie datne maahtah vuejneh mah stiftelsh Sveerjesne gååvnesieh, dej ulmieh, bieljielimmiealmetjh jov nov vijrebasse. Datne maahtah aaj tjïeltem jallh åålmegem bieljeldh gusnie datne årroeminie jïh gihtjh jis dej lea naan stiftelsh mah dåarjoem jallh stipendiumem dov daarpoen mietie vedtedh. 

Vaaksjomedarjomh leah iktedamme tjïjhtje sijjide laantesne 

Lïeneståvroe Stuehkien lïenesne gïetede stiftelsh mah leah Stuehkien, Uppsalan, Södermanlanden, Gotlanden jïh Västmanlanden lïenine.

Lïeneståvroe Östergötlanden lïenesne gïetede stiftelsh mah leah Östergötlanden, Jönköpingen jïh  Kalmaren lïenine.

Lïeneståvroe Skånen lïenesne gïetede stiftelsh mah leah Kronobergen, Blekingen jïh Skånen lïenine.

Lïeneståvroe Västra Götalanden lïenesne gïetede stiftelsh mah leah Hallanden jïh  Västra Götalanden lïenine.

Lïeneståvroe Dalarna lïenesne gïetede stiftelsh mah leah Värmlanden, Örebroen, Dalarna jïh Gävleborgen lïenine.

Lïeneståvroe Västernorrlanden lïenesne gïetede stifelsh mah leah Västernorrlanden jïh Jämtlanden lïenine.

Lïeneståvroe Norrbottenen lïenesne gïetede stiftelsh mah leah Västerbottenen jïh Norrbottenen lïenine.