Mejtie beetnegidie åadtjoeh nuhtjesovvedh?

Staatedåarjoe edtja ektiedimmesne unnebelåhkojne nuhtjesovvedh dejtie lissieåaside maam dejstie unnebelåhkoelaakiste sjidtieh, ij dejtie mejtie joe aerebistie dïedtem utnieh darjodh, vg toelhkem leejedh jih sïejhme siebrievïerhtieh joekedidh. Darjomh maehtieh diss-vielie årrodh:

• raarestimme jih ektiedimmie unnebelåhkoejgujmie
• goerehtimmie
• bievnesedarjomh jih jarkostimmeh
• åårganisasjovnh sjïehtesjidh jih värrhtoedimmieh vaeltedh
• kultuvrh- jih gïeledarjomh
• unnebelåhkojde jih unnebelåhkoegïelide vååjnemearan buektedh vg tsïeglh tseegkedh
• initiale mobiliseringedarjomidie vg. lidteratuvrh jih pedagogihke aamhtsh skåårvedh
• åesie barkijhbaalhkijste
• dahkoesoejhkesje

Dan jijnjh tjïeltide åadtjoeh

Maadthmaaksoe akten tjïeltese lea 660 000 kråvnoeh fïerhten jaepien. Tjïelth gusnie vaenebe enn

50 000 årrojh 1 maadthmaaksoem åadtjoeh
jeenjemes 80 000 årrojh 1,5 maadthmaaksoeh åadtjoeh
jeenjemes 100 000 årrojh 2 maadthmaaksoeh åadtjoeh
jeenjemes 400 000 årrojh 3 maadthmaaksoeh åadtjoeh
400 000 årrojh jallh jienebh 4 maadthmaaksoeh åadtjoeh

Tjïelth mah jienebe enn aktene reeremedajven sisjelisne lissine 500 000 kråvnoeh åadtjoeh.

Laantedigkieh/regijovnh 250 000 kråvnoeh åadtjoeh.