Bigkeme-geehteme 

Bigkeme-geehteme lea bielie lïeneståvroen guhkiem barkoste ihke lïenen kultuvrebyjresem gorredidh. Lïeneståvroe gïetede bigkeme-geehtemedåarjoe jïh dåarjoe laanteburrien gåetieh dåvvodh jïh bueriedidh.  

Bigkeme-geehtemedåarjoe

Jis bigkemh edtjieh dej kultuvrehistovrijen vierhtieh gorredidh lea vihkeles dejtie geehtedh jïh dåvvodh jïh jis sæjhta jeatjahdehteh, tjuara dam darjodh fïerhten gåetien tsiehkijste. Dïhte lea aaj vihkeles kultuvrehistovrijen materijalijste nuhtjedh jïh vuekieh guktie bigkemi karakteerem jïh vuajnoem gorredidh seammasïenten tradisjovnellen vætnoem vaarjelidh. 

Aktegs almetje, tjïelth, stiftelserh jïh bolagh maehtieh staaten dåarjoem lïeneståvroste ohtsedidh jis sæjhta kultuvrehistovrijes vierhtegs bigkemh geehtedh, guktie gohtje bigkeme-geehtemedåarjoe. Barkoe maam dovreskåbpoe goh sïejhme maahta bieleste dåarjoen tjïrrh maeksedh, mijjieh maehtebe 50-90 prosenth vedtedh dejstie bijjiemaaksoste mij lea kultuvrehistovrijes skreejreme.