Akte vihkeles bielie Nordlaanten histovrijesne lea gaskesem sjugniedidh dej almetji gaskem Nordlaantesne mah iedtjiem utnieh histovrijen bïjre, jïh raerieh åadtjodh dan orre histovrijevearhkan dan gellede lehkeste goh gåarede. Daate fïerhtenjaepien seminare akte sjïehteles dïrrege daan sjïekenisnie. Daesnie dovne håalemh mijjen bøøremes faagealmetjijstie sjyøhtehke histovrijen aamhtesi bïjre jïh digkiedimmie, raerie voenges histovrihkerijstie jïh ovbyjjes tjåanghkoeh jïh soptsestimmieh almetji gaskemsh joekehts maadtojne, bene mah ektesne utnieh aktem iedtjem mijjen histovrijen bijre.
Daan jaepien seminare lea saemien histovrijen bïjre, dejnie vuelienommine Dïhte tjeakoes saemien, jïh mijjen industrijehistovrijen bïjre. Gosse libie Helgelaantesne, dle badth iemie stoerreindustrije akte vuelieteema sjædta.
Kultuvreraerije Marit Tennfjord seminaren rïhpeste, jïh dah mah sïjhtieh, jallh eah ryøhkh Musseren gåajkoe båetedh aarebi seminare aalka duarstan, maehtieh båetedh iehkeden, suehpeden 25.b. Dellie filmedarjoje Ellen-Astri Lundby sæjhta sov filmem Min mors hemmelighet åehpiedehtedh jïh vuesiehtidh - tjeakoes saemienvoeten bïjre.
Sæjhta aaj akte mïnnedimmie sjïdtedh Sjøgato’n gåajkoe Mussierisnie, maam Helgelaanten Musueme stuvrie.
Seminaren programme daesnie gaavnh.
Elektrovneles bieljelimmie jis siïhth meatan årrodh (seminaren nomme : Historieseminar Nordlands historie)
Gaskesadth jis dov gyhtjelassh
Jarkoestæjja: Ellen Jonassen