Geervereakta
Geerve almetjh, dehtie jaepeste dah 25 jaepieh illieh, jïh eah aarebi jåarhkeööhpehtimmiem tjïrrehtamme, maehtieh laaken mietie reaktam utnedh jåarhkeööhpehtimmiem åadtjodh mij lea geerve almetjide sjïehteladteme (komprimeradamme ööhpehtimmmie).
Daate reakta lea dejtie geerve almetjidie mah maadthskuvlem jallh plearoeh illehtamme, bene eah aarebi jåarhkeööhpehtimmiem tjïrrehtamme. Gaajhkh geervh, mah syökemen mietie leah jåarhkeööhpehtimmien sïjse tsaakeme, reaktam utnieh ööhpehtimmiem illehtidh. Ij leah naan bijjemes aalteremierie jåarhkeööhpehtimmiem syökedh.
Öörneme
Edtja öörneldihkie ööhpehtimmiem dan geerve almetjasse sjïehteladtedh fïereguhten almetjen daerpiesvoetese. Datne edtjh dannasinie faalenassem ööhpehtimmien bïjre åadtjodh mij bigkie dan ööhpehtæmman datne joe åtnah, jïh aaj dan realmaahtose datne åådtjeme gosse meatan orreme barkoe- jïh siebriedahkejieliedisnie, kuvsjine, sïeltelïerehtimmesne jïh plearoeh. Daate sæjhta jiehtedh datne edtjh jåarhkeööhpehtimmiem åadtjodh dehtie daltesistie gusnie leah. Noerhte-Trööndelagen fylhkentjïelte diedtem åtna ihke ”geerven reakta” gorresåvva, jïh jïjtsh njoelkedassh evtiesovveme guktie edtja dam barkoem sjïehteladtedh. Aktem voejhkelimmem tjïrrehtamme juktie geerveööhpehtimmiem öörnedh akten studijevierhkiesijjiemaallen tjïrrh dej minngemes jaepiej, jïh daelie dam gïehtjelamme, staeriedamme jïh jåarhkeme goh tjåadtjoen maalle Noerhte-Trööndelagesne. Maalle edtja viehkiehtidh guktie jeanatjommesh dejstie geerve learoehkijstie faalenassem ööhpehtimmien bïjre åadtjoeh sov lïhke byjresisnie. Lohkh vielie guktie
studijevierhkiesijjiemaalle lea öörneme, jïh guktie dïhte öörnemem tsevtsede geerveööhpehtimmiefaalenassijste.
Ööhpehtimmiem syökedh
Tsaekeme jåarhkeööhpehtæmman, mij lea inhtse geerve almetjidie öörneme, lea syökemen mietie aktene jïjtse
registreradimmie-/syökemegoeresne, jïh våaroeminie syökijen
realemaahtosne. Daesnie
bïeljelimmie syökememierien bïjre jïh akte
tjaalege mij veelebe buerkeste mij lea jåarhkeööhpehtimmien reaktesne jïh guktie edtja fearadidh.
Noerhte-Trööndelagesne aktem guhkies jïh gamte dååjrehtimmiem jåarhkeööhpehtimmine utnebe mij lea sjïehteladteme geerve almetjidie, jïh dej minngemes jaepiej dle stoerre nuepieh orreme lïerehtimmiem åadtjodh gelline ööhpehtimmieprogrammine. Ööhpehtimmieprogramme geerve almetjidie skuvlejaapan 2011/2012
daesnie gaavnh.
Govlehtallh maaje
lïhkemes jåarhkeskuvline jallh
tsaekemekontovrine/inntakskontoret jis vielie bïevnesh sïjhth dov nuepiej bïjre.
Gïetegærja geerveööhpehtæmman lea evtiedamme juktie aktem voemeluktie vuekiem abpe fylhkesne tjirkedh – saaht gusnie årromesijjie lea.