Learohkh saemien gïeline voestesgïeline jallh mubpiengïeline leah lutniestamme lïerehtimmeste jïh vuarjasjimmeste nöörjen baaltegïelesne dovne maadthskuvlesne jïh jåarhkelïerehtimmesne, v. ööhpehtimmielaakine § 1-11. Ammesgïele (jallh gïelegoerehtimmie jallh barkoejieledefaage) leah obligatovreles faagh gaajhkesidie bielelen dah learohkh mah saemien gïelem voestesgïeline jallh mubpiengïeline utnieh skuvlesne. Dej leah golme gïelefaagh; saemien, nöörjen jïh eengelsken gïele, jïh dellie lutniestimmiem utnieh daestie dovne maadthskuvlesne jïh jåarhkelïerehtimmesne, men læjhkan dej lea reakta ammesgïelem utnedh dastegh dam sijhtieh, v. Mieriedimmie ööhpehtimmielaakese § 1-9 jïh 1-10.
Olles daah learohkh fer gellie tæjmoeh lissine utnieh, akte nænnoestimmie maadthskuvlesne jeahta learohkh mah ammesgïelem veeljie lissine saemien, maehtieh vueliehkåbpoe unnemes tæjmoetaalem ammesgïelesne utnedh maadthskuvlesne goh tæjmoelåhkoe lea faagen sïejhme krïevenassese. Dastegh akte learohke sæjhta ammesgïelem faagine utnedh jåarhkeskuvlene, bielelen faagem åtneme maadthskuvlesne, dah jååhkesjimmiem åadtjoeh jis 1. daltesem illieh ajve aktene ammesgïelesne jåarhkelïerehtimmesne. Learohkh mah eah saemien utnieh, edtjieh 1. jïh 2. daltesem illedh aktene ammesgïelesne, jallh 1. daltesem göökte joekehts ammesgïeline.
Vielie bïevnesh öörnedimmien jïh tæjmoelåhkoen bïjre gaavnh ööhpehtimmiedirektoraaten nehtesæjrojne Tjaalegisnie faage- jïh tæjmoejoekedimmien bïjre (Rundskriv om fag- og timefordeling). NB. Daate orrestamme sjidtieh fïerhten jaepien.