Saemiedigkieraerie edtja guessine mïnnedh ovmessie voenges siebriedahkine juktie raerieh åadtjodh Saemiedigkien politihkese arealen jïh byjresen sisnjeli. – Mijjieh sïjhtebe saemien tjïerth, siebrieh, jielemebarkijh jïh faagealmetjh voengesne bööredidh meatan årrodh mijjen politihkem hammoedidh daennie suerkesne, saemiedigkieraerie Thomas Åhrén jeahta.
Raerien fealadimmie aalka joe goevten 4.b. Röörosne. Dan mænngan Guovdageaidnun gåajkoe fealadieh goevten 10.b., Evenesen gåajkoe goevten 11.b. jïh galhkoeh Varangerbotnesne goevten 15.b.
Evenesne saemiedigkieraerie edtja aaj joekoen tjïelth gaavnedidh juktie digkiedidh jïh raerieh dåastodh juktie saemien ïedtjh gorredidh tjïeltesoejkesjimmesne.
Gaajhkesh bööresuvvieh
-Mijjieh libie saemien tjïerth, siebrieh, jielemebarkijh jïh faagealmetjh voengesne bööredamme meatan årrodh, saemiedigkieraerie Thomas Åhrén jeahta.
Dïhte aavode raerieh dejtie ovmessie barkoesuerkide åadtjodh dennie båetije bïevnesisnie: reereme jïh åtnoe mearoste jïh eatnamistie, vaarjelimmiedajvh, nuhteme eatnemevierhtijste, miehtjieåtnoe jïh aerpievuekien daajroe. Raerieh dejstie tjåanghkojste sijhtieh akte vihkeles bielie årrodh daajroevåaroemistie bïevnesasse.
-Goh akte jïjtse bielie tjåanghkoesoejkesjistie edtja aaj digkiedidh jïh raerieh vedtedh aamhtesi bïjre mah leah sjyöhtehke daan biejjien dejnie ovmessie voengine mejnie mijjieh guessine mïnnebe, Åhrén jeahta. Voenges håalijh leah bööresovveme juktie fokusem bïejedh voenges areale- jïh byjreseaamhtesidie saemien ïedtjigujmie.
Soejkesjen mietie stoerretjåanghkoe edtja Saemiedigkiebïevnesem arealen jïh byjresen bïjre gïetedidh ruffien 2016.
Röörose: goevten 4.b. ts. 18 - 20. Røros Röörosen jåarhkeskuvlen kantijnesne
Guovdageaidnu: goevten 10.b. ts. 18 -20. Saemien jïlleskuvle, Sáhkaskáidi
Evenes: goevten 11.b. ts. 18.30 - 20.30. Vardobaiki
Varangerbotn: goevten 15.b. ts. 18 - 20. Saemiedigkien kontovresijjie 2. et.
Govlehtallije: Saemiedigkieraerie Thomas Åhrén, 908 39 663
Lohkh vielie
http://www.sametinget.no/Miljoe-areal-og-kulturvern/Areal/AApningsinnlegg-areal-og-miljoekonferanse
http://www.sametinget.no/Miljoe-areal-og-kulturvern/Areal/Fremtidig-areal-og-miljoepolitikk-i-Sapmi