Butenschøn-moenehtse, gusnie Nils Butenschøn lea åvtehke, lea sov reektehtsem deelleme staateraerijasse Kristin Halvorsen daan biejjien. Moenehtse lea evtiedimmievæhtah, daerpiesvoeth jïh ulmieh saemien dotkemasse jïh jollebe ööhpehtæmman salkehtamme, jïh gellie tjïelke råajvarimmieh buakteme.
- Daate akte mïerhkebiejjie saemide jïh munnjien guhte lea tjåadtjoehtæjja suerkesne jollebe ööhpehtimmie jïh dotkeme Saemiedigkieraeresnei, mubpie presidente Laila Susanna Vars jeahta.
Moenehtse lea faageles buerkiestamme raeriestimmiej tjïrrh råajvarimmide, åejvieladtjide aktem sjïere nuepiem vadteme saemiepolitihkeles ulmieh saetniedehtedh mah maehtieh siebriedahkeevtiedimmiem nænnoesåbpoe darjodh noerhtene.
- Manne joekoen madtjeles moenehtse aktem almetjeriekteles aalkovem åtneme, jïh våaroemasse bïejeme aktem gamte regijovnale, nasjovnale jïh gaskenasjovnale vuajnoem saemien dotkemasse jïh jollebe ööhpehtæmman, mubpie presidente Laila Susanna Vars jeahta.
Moenehtse gaskem jeatjah aktem sjïere jååhkesjimmieöörnegem raereste Saemien jïlleskuvlese, ektiedamme dejtie soejkesjimmide staatusem ohtsedh goh vitenskapeles jïlleskuvle, jïh mænngan akten aalkoealmetjeuniversiteeten vööste. Vijriesåbpoe dle raereste aktem programmem evtiedidh saemien gïelegorredimmien gaavhtan jïh jealajimmien gaavhtan saemien gïelijste, maam byöroe öörnedidh lissine Dotkemeraerien programmese saemien dotkemasse. Aaj tjïelkestamme jienebh råajvarimmieh juktie saemien jollebe ööhpehtæmman jïh dotkemasse dåårrehtidh.
- Manne aavodem råajvarimmide veele gïehtjedidh mah leah raeriestamme reektehtsisnie, jïh aktem eensi govlesadtemem jïh laavenjostoem reerenassine veanhtedem juktie vijriesåbpoe barkedh jïh nïerhkedh dej ovmessie råajvarimmiejgujmie. Goh reerenasse lea tjïertestamme dle daajroe dïhte mihte Noerhtedajvepolitihkesne. Daelie åejvieladtjh nuepieh utnieh daam dæjpeles politihkese sjïehtesjidh, mubpie presidente Laila Susanna Vars minngemosth jeahta.
Jeatjah råajvarimmieh buerkiestamme Butenschøn-reektehtsisnie:
Govlehtallije:
Mubpie presidente Laila Susanne Vars, tlf. 977 54 102