Jåartaburrie
Daase maahtah dåarjoem åadtjodh:
- Jarkelimmie jïh stueriedimmie daaletje gïehtelimsgåetijste
- Sjïehteladtije råajvarimmieh jïh prosjekth mah dåårrehtimmine, jollebe aarvoesjugniedimmine jïh evtiedimmine jåartaburreste viehkiehtieh.
Gie maahta dåarjoem åadtjodh:
- Ohtsijh mah sijhtieh gïehtelimsgåetieh jeatjahtehtedh jallh stueriedidh jïh ohtsijh mah sijhtieh jåartaburriem saemien dajvine evtiedidh
- Aktegsaajhteresïelth jallh AS mah leah registreradamme enhetsregisterisnie
Dan jïjnjem maahtah dåarjojne åadtjodh:
- Raajan 35 % åasijste jïh jeenjemes 300 000 kråvnah.
Daah lissietjaalegh edtjieh ohtsemem dåeriedidh:
- Prosjektebuerkiestimmie gusnie daate meatan:
- Prosjekten ulmie bielieulmiejgujmie
- Buerkiestimmie ohtsemasse
- Soejkesje åvtese
- Gaahtjijebuerkiestimmie
- Åestijebuerkiestimmie
- Guktie gåarede prosjektem tjïrrehtidh/vaahravuarjasjimmie
- Faageles sisvege jïh ektiedimmie
- Budsjedte åasa-aarvehtsinie, råajvarimmide jïh finansieradimmiesoejkesjasse ektiedamme
- Edtja åasam vihtiestidh åasafaalenassine
Jeatjah dåarjoenjoelkedassh: Vuartesjh dåarjoenjoelkedassh aalkoejieliemidie
Govlehtallije: Seniorraeriestæjja John Osvald Grønmo, tell. 78 47 41 86
Båatsoe
Gie maahta dåarjoem åadtjodh:
- Göökte jallh jienebh båatsoesïjth/sïjth jallh siebrieh/tjïerth mah sijhtieh regijonaale prosjektigujmie nïerhkedh jallh prosjekth gusnie jienebh aktöörh leah meatan.
Dan jïjnjem maehtede dåarjojne åadtjodh:
- Raajan 35 % åasijste jïh jeenjemes 300 000 kråvnah.
Govlehtallije: Seniorraeriestæjja Jørn Gunnar Olsen, tel. 99 30 78 06
Marijne jieleme
Gie maahta dåarjoem åadtjodh:
- Aktegsaajhteresïelth jïh AS registreradamme Enhetsregisterisnie
- Dåastovesijjieh mah dåastove- jïh åestemejååhkesjimmiem utnieh
- Hoksehtimmiesijjieh mah ektie funksjovnh jïh åtnoem utnieh
- Göölijh registreradamme göölijelåhkosne
- Noeregöölemeprosjeekte göökte tjïeltine
- Jåarhkeevtiedimmie jïh evtiedimmieprosjekth
Dan jïjnjem maahtah dåarjojne åadtjodh:
- Dåastove- jïh hoksehtimmiesijjieh: Dåarjoe raajan 35 % åasijste, jeenjemes 300 000 kråvnah
- Orrebigkemasse vïnhtside: Dåarjoe raajan 35 % åasijste, jeenjemes 300 000 kråvnah
- Åtneldh vïnhtside: Dåarjoe raajan 35 % åasijste, jeenjemes 200 000 kråvnah
- Dalhketjidie jïh dïrregidie voestesaejkien skåårvemidie: Dåarjoe raajan 35 % åasijste, jeenjemes 300 000 kråvnah
- Jåarhkeevtiedæmman jïh evtiedimmieprosjektide: Dåarjoe raajan 35 % åasijste, jeenjemes 300 000 kråvnah.
Daah lissietjaalegh edtjieh ohtsemem dåeriedidh:
- Prosjektebuerkiestimmie gusnie daate lea meatan:
- Prosjekten ulmie bielieulmiejgujmie
- Buerkiestimmie ohtsemasse
- Soejkesje åvtese
- Gaahtjijebuerkiestimmie
- Åestijebuerkiestimmie
- Guktie gåarede prosjektem tjïrrehtidh/vaahravuarjasjimmie
- Faageles sisvege jïh ektiedimmie
- Budsjedte åasa-aarvehtsinie, ektiedamme råajvarimmide jïh finansieradimmiesoejkesjasse
- Edtja åasah vihtiestidh åasafaalenassine
Jeatjah dåarjoekrïevenassh: Vuartesjh dåarjoenjoelkedassh aalkoejieliemidie
Govlehtallije: Raeriestæjja Vivi Pedersen, tell. 78 47 40 13
Oversikt over kommuner som er med i virkeområdet for tilskudd til næringsutvikling (STN-området)