Saemiedigkieraerie lea 400.000 kråvnah dåårjeme noere tseegkijidie göölemisnie. Göölije Magnus Olsen Kvænangeste jïh Stjernøy Kystfiske AS leah fïereguhte 200.000 kråvnah åådtjeme.
- Sjollehke noerhtenöörjen noerh ïedtjem utnieh göölijinie sjïdtedh. Dej minngemes jaepiej evtiedimmie lea dorjeme guktie göölijebarkoe jïjnjem kapitaalem daarpesje, joekoen doh noerh mah edtjieh aelkedh. Mijjieh gegkiestibie dåarjoe edtja skreejrehtidh jienebh noerh gööleminie nierhkieh, Silje Karine Muotka jeahta.
Saemiedigkieraerie lea daan aejkien vierhtieh dåårjeme vïnhtseåestiemasse. Muotka tjïerteste Saemiedigkieraerie sæjhta abpe jieleden infrastruktuvrem nænnoestehtedh, jïh tjïerteste aktöörh göölemisnie aaj maehtieh dåarjoem ohtsedh tseegkeldahkide mah gueliem dåastoeh jïh hoksehtimmiem vedtieh voenges mearoe- jïh fjovlegöölijidie.
– Mijjen ulmie lea göölemejielemem nænnoestehtedh mearoegaedtien siebriedahkine, jïh dellie eevre vihkeles mijjese orre göölijh barkose dåårrehtidh. Men dejtie noere tseegkijidie lea krïevije dovne skïhph jïh kvotah finansieradidh.
Govlehtallije
Saemiedigkieraerie Silje Karine Muotka, tel. +47 984 87 576