Gosse saemien noerekonferansem tjïrrehte, dellie Árran sæjhta aktem sjïere fokusem noeride bïejedh Divtasvuodna-aamhtesen mænngan. Dah sijhtieh fokusem utnedh jearsoesvoetese; jearsoesvoetem utnedh jïjtsh raasti bïjre, Divtasvuodneste årrodh, jïjtse identiteeten bïjre saemine årrodh, jïjtsh kultuvrem garmerdidh, vyörtegsvoete, håhkojne jïh jaahkojne båetijen aajkan.
Saemiedigkieraerie Mikkel Eskil Mikkelsen
– Areena noeride lea vihkeles, jïh joekoen vihkeles areena sjugniesåvva gusnie noerh åadtjoeh dovne sisvegem hammoedidh jïh soptsestidh dan bïjre mij lea vihkeles. Manne geerjene Árran jïh Doajmmasiebbre Julevsábme (DSJ) leah daam skraejriem vaalteme, saemiedigkieraerie Mikkel Eskil Mikkelsen jeahta.
Noerekoferansesne edtja sjyöhtehke teema årrodh, goh raasth bïejedh, dïhte tjaebpies seksualiteetine, jïh guktie sinsitniem gorredidh, jïh raasth flöörtadimmien jïh trïegkenassen gaskem. Konferanse akte bielie prosjekteste Jasska/Trygg.
Akte vihkeles aspekte daennie konferansine lea sjaavnjoe aktem areenam buektiehtidh gusnie maanaj jïh noeri identiteete veaksahkåbpoe dorjesåvva, darjomi tjïrrh gusnie saemien jïh kultuvre leah jarngesne, jïh viehkiehtidh jearsoesvoetem jïh garmeresvoetem dåarjoehtidh jïjtse saemien identiteeten bïjre.
– Saemiedigkie vuajna vihkeles teemah mij bæjjese vaaltasuvvieh konferansesne. Divtasvuodna-aamhtesen mænngan jeenjesh gellie gyhtjelassh utnin, jïh gellie negatijve domtesh jïh ålvehtassh. Hijven Árran sæjhta fokusem bïejedh seksualiteetese jïh seksuelle daarjesjimmide goh teema, gusnie noerh leah ulmiedåehkie, saemiedigkieraerie Mikkel Eskil Mikkelsen jeahta, jïh Árranem dejnie guhkiebasse barkojne læhkohte.
Gihtjehtimmieh jallh gyhtjelassh, gaskesadth saemiedigkieraeriem Mikkel Eskil Mikkelsen, mob. 917 42 161