Kåanste jïh kultuvre leah gaajh sjïere guktie dah ussjedieh, jïh naemhtie guktie sïeltine sïejhmelaakan ussjedieh ij iktesth daan jieliemasse sjïehth. Saemiedigkie lea daan sjïeken gaavhtan aktine dåarjelimmine nïerhkeme kultuvrejieliemasse. Goh akte bielie daehtie dåarjelimmeste akte jïjtse sïelteevtiedimmieprogramme lea evtiesovveme, joekoen saemien kultuvrejieliemasse. Programmen nomme lea Dáhttu jïh stuvresåvva Kreative Industrijeste stillemen mietie Saemiedigkeste.
Dáhttun tjïrrh saemien kultuvrejielemeaktöörh gaskem jeatjah åadtjoeh sïelteåssjelinie barkedh, viehkiem åadtjoeh sïeltem tseegkedh jïh strategijem evtiedidh. Fïerhte programme sijjiem åtna 12 kultuvrejielemebarkijidie mah sijhtieh jïh væljoem utnieh aktem sïeltem sjugniedidh mij dïenestem vadta. Akte vihkeles ulmie programmine lea aaj aktem viermiem aktööri gaskem sjugniedidh. Programme aktem jaepiem ryöhkoe jïh golme tjåanghkoeh åtna, jïh fïereguhte mij lea meatan 50 raeriestimmietæjmoeh åådtje. Ulmie programmen mænngan lea jienebh edtjieh maehtedh sijjen kultuvrejielemesïelteste jieledh.
Jaepien 2016 raajan 4 joekehts programmh edtjieh aelkedh. Gaatesjen ij gåaredh meatan sjïdtedh dejnie programmine mah leah aalkeme, men kultuvrejielemeaktöörh mah ïedtjem utnieh maehtieh Saemiedigkine govlesadtedh juktie bïevnesh åadtjodh dan mubpien programmen bïjre maam maahta dåeriedidh. Mejle: ragnhild.dalheim.eriksen@samediggi.no jallh tellefovne 78 47 40 88.
Dáhttu Duodji lea akte jïjtse programme mij joekoen lea vytnesjæjjide abpe laantesne sjïehtedamme. Daelie dåårrehtimmie daan programmese lea aalkeme aktene lïhke laavenjostosne duedtiesiebriejgujmie. Voestes tjåanghkoe lea Karasjohkesne goeven 9. -10. b. 2014. Dáhttu Duodji lea dååjrehtimmieh vaalteme dejstie mubpijste Dáhttu-programmijste, jïh edtja lissine aktem sjïere fokusem utnedh innovasjovnese, laavenjostose, digitaale maarkededoekemasse jïh alternatijve sïeltemaallide.
Vytnesjæjjah mah sijhtieh meatan årrodh tjuerieh govlesadtedh Kreative Industrijine: post@kreativindustri.no jallh tell. 488 82 816.
Dáhttu Finnmark eelki voerhtjen 2014 jïh lea daelie sov minngemes boelhkesne. Minngemes tjåanghkoe lea Lakselvesne tsïengelen 21. – 22.b. 2015. Daah kultuvrejielemeaktöörh Finnmaarhkeste leah meatan programmesne:
Dáhttu2 Troms eelki gålkoen 2014 jïh edtja jåerhkedh 2015. 12 saemien kultuvrejielemeaktöörh Tromseste leah sijjiem åådtjeme programmesne. Innovasjovne Nöörje Troms lea laavenjostoeguejmie juktie programmem Dáhttu2 Troms tjïrrehtidh.
Daah kultuvrejielemeaktöörh Tromseste leah meatan programmesne: