Duedtie

Saemiedigkie sæjhta:

• Åesiestimmiem lissiehtidh jïjtsedorjeme vaarojste
• Noerh dåårrehtidh duedtiejieliemasse

Juktie mijjen ulmide jaksedh dle Saemiedigkie edtja faageles bihkedimmieh vedtedh vytnesjæjjide, duedtien jielemelatjkoem realiseradidh, jïh beetnehdåarjoem vedtedh råajvarimmide mah viehkiehtieh aktem duedtiejielemem evtiedidh.

Fïerhten jaepien Saemiedigkie akten jielemelatjkoen bïjre duedtiejieliemasse rååresje. Saemiedigkie aaj vierhtieh reerie mah edtjieh råajvarimmide årrodh duedtiejieliemisnie.

Innovasjovne Nöörje vierhtieh reerieh sïelteråajvarimmide duedtiejieliemisnie -  LENKE (bedriftsrettede tiltak i duodjinæringen. Innovasjon Norge)

Tjïelten jielemefoenth maehtieh beetnehvierhtieh dåarjodh unnebe råajvarimmide jïh prosjektide.

Duedtien jielemelatjkoen mietie  dle Saemiedigkie daejtie dåarjojde joekede:

• Gïehteldimmedåarjoe
• Skåårveme- jïh evtiedimmiedåarjoe
• Velferdeöörnegh
• Faage- jïh ekonomeles moenehtse
• Råajvarimmieh doekemasse (ohtsemen mietie)

Tjåadtjoen sertiestimmieh

• Fïerhten jaepien Duodtjeinstituhtta bijjelen golme mill. kråvnah åådtje sov barkose. Dan ulmie lea duedtiejielemem evtiedidh.
• Båatsoen jïh duedtien lïerehtimmiekontovre 1,5 mill. kråvnah åådtje duedtien lïerehtæjjaöörnegasse fïerhten jaepien.  Kontovre edtja 10 lïerehtæjjah tsaekedh, guktie dah maehtieh faageprieviem duedtesne vaeltedh.
• Duedtiesiebrieh Sámiid duodji jïh Duojárriid ealáhussearvi gïehteldimmiedåarjoem åadtjoeh fïerhten jaepien juktie vytnesjæjjaj iedtjh gorredidh
• Duedtiebovrh maehtieh prosjektedåarjoem ohtsedh juktie åesiestimmiem duedteste gorredidh, maam jeatjah vytnesjæjjah dorjeme